Saiph (araab.:سي; an sik saif al-dschabbār „Sweert vun’n Rees“) is de Egennaam vun den Steern κ Orionis (Kappa Orionis).
Saiph | |
κ liegt an’n linken ünneren Rand vun’t Steernbild | |
Positschoon un Beteken | |
Steernbild | Orion;Ori |
Rektaszension | 5h47m45,39s |
Deklinatschoon | -9°40′10,6″ |
Annere Naams | |
Bayer-Beteken | κ |
Flamsteed-Tall | 53 |
Bright-Star-Kataloog | HR 2004 |
Henry-Draper-Kataloog | HD 38771 |
SAO-Kataloog | SAO 132542 |
Physikaalsch Parameter | |
Afstand | (647 ± 28) Lj |
schienbore Helligkeit | 2,07 |
Spektralklass | B0,5 Iavar |
Sünnerheiten |
De Naam kummt dorher, dat de araabschen Astronomen in dat Steernbild Orion en Rees sehn hebbt. As Saiph weer egentlich en annern Steern betekent, wat histoorsch verkehrt överdragen worrn is. Disse Fehler is denn aver bibehollen worrn. Ut hüütige Sicht ist dat neemlich de linke Foot vun’n Orion.
Saiph is de sösshellste Steern vun dat Steernbild. Mit en schienbore Helligkeit vun 2,07 kann he licht mit dat fre’e Oog sehn warrn. Sien Afstand weer fröher överschätzt. Na en Neebestimmen dör den Hipparcos-Satellit is he ruchweg 650 Lj vun de Sünn weg, man de Bereken hett en groot Fehlerrebeet. Dat is aver ungefähr de glieke Afstand, den ok Rigel vun de Sünn hett. Vun’n Tyyp her is Saiph en Blauen Rees mit de Spektralklass B0 un de Lüüchtkraftklass Ia. Vunwegen dat he den gröttsten Deel vun sien Energie in’t ultravigelette Rebeet vun’t Spektrum afstrahlt schient he ’n beten bleker as Rigel. Sien bolometrische Helligkeit is 65.000 grötter as de vun de Sünn. In’t sichtbore Licht is sien Lüüchtkraft jümmer noch mehr as dat 6000facke vun de Sünn. Na’n hüütigen Stand vun de Forschung is Saiph en enkelten Steern.
This article uses material from the Wikipedia Plattdüütsch article Saiph, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.