Royal Harwood Frost
Royal Harwood Frost (* 25.
Februar">25. Februar 1879 in Salem, Massachusetts; † 11. Mai 1950 in Shreveport, Louisiana) weer en US-amerikaanschen Astronom.
Leven un Wark
Frost weer de veerte Söhn vun Albinus Finney Frost un Emma Jane Richardson. He weer verheiraat mit Caroline Eliza Mayhew, mit de he dree Döchter un twee Söhnen harr.
Ünner dat Regeer vun Edward Charles Pickering hett Frost vun 1896 bit 1908 as astronoomschen Helpsmann an de Harvard-College-Steernwacht arbeit. Wiel de Tiet weer he twüschen 1902 bit 1905 an de Butensteed Arequipa in Peru, woneem he Nevels beobacht hett. He hett in sien Loopbahn 454 ne’e Objekten opdeckt, dorünner ok den Asteroid (505) Cava. As de Bruce-Refrakter 1926 an de Boyden-Steernwacht in Bloemfontein, Süüdafrika, verleggt worrn is, weer em vun Harvard dor en Arbeitssteed anboden, man de lehn he af. He hett sik dorna en Melk-Bueree in Tingo, Peru, opboet.
Later güng he torüch na Fort Worth in Texas, woneem he för en Öölfirma in de Bookholleree arbeit hett, un töög wieter na Shreveport in Louisiana. Dor is he ok begraven.
Weblenken
- Biografie (engelsch)
- Publikatschonen vun R.H. Frost in’t Astrophysics Data System
This article uses material from the Wikipedia Plattdüütsch article Royal Harwood Frost, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.