Ringelwörmer (Anneliden, Annelida) oder ok Liddwörmer sünd Wörmer un höört vunwegen ehre Morphologie as en egen Stamm to de Stammgrupp vun de Lophotrochozoen (Lophotrochozoa), de nu wedder to de Oormünner (Protostomia) torekent weert.
Ringelwörmer weert in twee Klassen updeelt: Veelbössen (Polychaeta) un Gördelwörmer (Clitellata). De Gördelwörmer weert updeelt in Minnerbössen (Oligochaeta) un Ielen (Hirudinea). Alltohopen gifft dat bi 18.000 Aarden. De gröttsten bekannten Arden sünd Megascolides australis ut Australien, de bit hen to 3 m lang weern kann, un de Seeworm Eunice aphroditois, de um un bi genau so lang is un ut bit hen to 1000 enkelte Segmente bestahn deit. De lüttjesten Aarden leevt in dat Grundwater un in den Sandstrand an’e See. Se weert bit hen to 300 Mikrometers lang (Geslecht Diurodrilus), de Dwargwörmer vun de Aart Dinophilus gyrociliatus weert sogor bloß man 50 Mikrometers lang.
Ringelwörmer | ||||||||
---|---|---|---|---|---|---|---|---|
Systematik | ||||||||
| ||||||||
Wetenschoplich Naam | ||||||||
Annelida | ||||||||
Lamarck, 1809 |
In de Evolutschoon sünd de Ringelwörmer gegen de eenfacker booten Wörmer over utboot wurrn un dor kumplexer bi wurrn. An’n wichtigstn sünd dor dat Coelom bi, wat de eenfacken Wörmer nich hefft, un datt se in Segmente unnerdeelt sünd. Dat Coelom hett Platz for kumplexe Organe. Vundeswegen könnt de Wörmer sik nu anners rögen. Huutmuskelslauch un Ingedöömsmuskeln könnt unafhängig vun’nanner röögt weern. De Upboo in Segmente maakt dat mööglich, datt enkelte Segmentafsnitte sunnerliche Upgaven overnehmen könnt (heteronom Segmenteren). Alltohopen besteiht de Ringelworm ut dree Regionen:
Bi enkelte Gruppen kann dat angahn, dat düsse Deele nich mehr düütlich to erkennen sünd.
This article uses material from the Wikipedia Plattdüütsch article Ringelwörmer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.