Pussycat Dolls
Pussycat Dolls (bedüüdt engelsch soveel as Muuschekatt-Poppen) sünd ene US-amerikaansche Musik- un Danzgrupp, de Hip-Hop un R&B maakt.
To de Grupp höört aktuell Nicole Scherzinger (* 1978), Carmit Bachar (* 1974), Melody Thornton (* 1984), Jessica Sutta (* 1982), Ashley Roberts (* 1981) un Kimberly Wyatt (* 1982).
De Grupp hett sik 1995 ünner Leid vun Robin Antin grünnt. De Grupp möök lang Tiet Danzoptreed in Los Angeles un Las Vegas. 2003 hett Interscope Records de Grupp ünner Verdrag nahmen un ümboot. Vun de twölv Deerns sünd blots söss nableven. Denn hebbt se 2004 jemehr eerste CDs un 2005 dat Album PCD rutbröcht. De Single-Utkopplung Don’t Cha güng in Düütschland un Grootbritannien op Platz 1 vun de Charts, in de USA op Platz 2. 2007 schall dat twete Album Double the Trouble rutkamen. De Grupp hett alltohoop al mehr as 5 Millionen Alben un 16 Millionen Singles verköfft.
An' 5. Dezember 2010 geev Scherzinger in en Interview bekannt, dat se sück entslooten harr, de Band to verlaaten un sück up hör Solokarriere to konzentreeren. Nu is dat nich mehr klor, of de Band överhoopt noch besteiht, bzw. wat mit de Liddmaaten passert, de in' Harvst 2010 as nee Liddmaaten vörstellt wurrn sünd.
Weblenken
- Websteed vun de Grupp (engelsch)
- hoochdüütsche Websteed vun de Grupp (hoochdüütsch)
This article uses material from the Wikipedia Plattdüütsch article Pussycat Dolls, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.