Metallica

Se is 1981 in San Francisco grünnt wurrn.

An’n 18. Oktober 1981 is dat offiziell losgahn. De Band is in Los Angeles van James Hetfield un Lars Ulrich (Slagtüüch) gründet worrn. Blots för korte Tied sünd Dave Mustaine (Gitarre) (wegen Alkoholmissbruk hebbt se jüm rutsmeten) un Ron McGovney (Bass) dorbi wesen. De Band hett ehren Naam kregen, as Lars Ulrich mit sien Macker Ron Quintana tohopenseten hett un de beiden söchen een Naam för en Fan-Tietschrift för Metal-Frünnen, de Quintana nee upmaken wull. Quintana hett Ulrich en List mit Naams geven, he scholl mol seggen, wat de Beste för de Tietschrift weer. Ulrich dach, Metallica weer woll de beste Naam. Man bi Quintana hett he meent, düsse Naam döch ja woll rein gor nix, he scholl man en annern nehmen. Dor hett de Tietschrift den Naam Metal-Militia kregen un Ulrich konn Metallica för siene nee Band nehmen. 1986 is de Bassist Cliff Burton, de se för McGovney anhüürt hett, op een Tuur in Sweden storven, as de Tuurbus op glatter Straat ümkippt is. De Rest hett sik ünmiddelbor dorna dorfür entschieden, mit de Musik wiedertomaken un sik een nejen Bassspeeler to söken. 1988 hett Metallica denn mit Jason Newsted dat Album ...And Justice for All opnemen. 2001 is he utstiegen und 2003 is Robert Trujillo instiegen.

• James Hetfield (Gitarre, Sang)
• Kirk Hammett (Gitarre)
• Lars Ulrich (Slagtüüch)
• Robert Trujillo (Bass)

• Kill ’Em All (1983)
• Ride the Lightning (1984)
• Master of Puppets (1986)
• And Justice for All (1988)
• Black Album (1991)
• Load (1996)
• ReLoad (1997)
• Garage Inc. (1998)
• S&M (1999)
• St. Anger (2003)
• Death Magnetic (2008)
• Hardwired... to Self-Destruct (2016)
• S&M2 (2020)
• 72 Seasons (2023)