De Madagaskar-Goos (Alopochen sirabensis) is en Vagel, de to de Unnerfamilie vun de Halfgöse tohören deit.
Düsse Aart is midderwielen utstorven. Se hett bloß man up Madagaskar leevt. Dat gifft Forschers, de meent, hier hannel sik dat um en Unneraart vun de Mauritius-Goos, de ok al utstorven is. Up jeden Fall weer se verwandt mit de hüdige Nilgoos. De Aart Alopochen sirabensis is al 1897 up de Grundlaag vun Knaken beschreven wurrn, de vun den Vagel funnen wurrn sünd. Dat hett dormols de brittsche Paläontologe Charles William Andrews maakt. 1997 is denn dat Oller vun de Knaken dör de Versneller-Massspektrometrie bestimmt wurrn. Dor is denn bi rutkamen, datt düsse Vagelaart eerst in dat Holozän utstorven weer. De Knakenreste sünd so vun um 1380 (+/- 90 Johre) rüm ween. Worüm de Vagel utstorven is, is nich bekannt.
This article uses material from the Wikipedia Plattdüütsch article Madagaskar-Goos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.