Keiiti Aki

März">3. März 1930 in Yokohama, Japan; † 17. Mai 2005 op Réunion, Frankriek) weer en japaanschen Eerdphysiker un Seismoloog.

Aki weer in Yokohama in Japan boren un hett an de Universität vun Tokio studeert. Dor hett he sien Bachelor un later ok sien Doktertitel kregen. För sien Tiet as Postdoc wessel he in de USA un hett an’t California Institute of Technology arbeit. He is denn in de USA bleven un weer later denn Professer för Eerdphysik an dat Massachusetts Institute of Technology (MIT) in Cambridge. Bekannt is he ok as Schriever, sünners för dat Book „Quantitative Seismology: theory and methods“, dat he tosamen mit Paul G. Richards schreven hett un as en Standardwark in de Seismologie gellt.

Op sien Fackrebeet weer Aki bannig aktiv un hett mit de Tiet ok düchtig vele Ämter bekleedt. So weer he ünner annern Präsident vun’t Seismologie-Afdeel vun de American Geophysical Union (AGU), Präsident vun de Seismoloogsche Sellschop vun Amerika un Vörsitter vun’t seismoloogsche Komitee vun de United States National Academy of Sciences (NAS). He weer ok mitverantwoortlich, dat 1991 dat Southern California Earthquake Center (SCEC) opboet worrn is.

Keiiti Aki is för sien Arbeit un sien Engagement mehrfack mit Priesen uttekent worrn. Dorto tellt:

• 1979: De Wahl in de United States National Academy of Sciences
• 1986: de Medaille vun de Seismoloogsche Sellschop vun Amerika (Seismological Society of America)
• 2000: de Thorarinsson Medal vun de International Association of Volcanology and Chemistry of the Earth’s Interior
• 2004: de William Bowie Medal vun de American Geophysical Union
• 2005: de Beno Gutenberg Medal vun de European Geosciences Union

• Keiiti Aki, 75, Is Dead; Developed a Way to Measure the Strength of an Earthquake in de New York Times vun’n 27. Mai 2005
• Biographical Sketch for: Keiiti Aki afropen an’n 5. April 2008

• K. Aki un P. G. Richards: Quantitative Seismology: theory and methods, University Science Books, 2. Oplaag 2002, ISBN 978-0935702965