Grote Kanadagoos

De Grote Kanadagoos (Branta canadensis) is en Goos un höört to dat Geslecht vun de Seegöse to.

De Seegöse weert, as all Echte Göse, to de Aantenvagels torekent. De Grote Kanadagoos warr as de Aart mank de Göse ankeken, de dat an’n meisten gifft up de Welt. An un for sik is se in Noordamerika tohuse ween. Se leevt dor in’t Siedland un brott an de Binnenseen vun de Prärie un vun de Gemarken, wo Ackerbo bedreven warrt. As Treckvagel flüggt se in typische V-Formatschoon in’n Harfst na de Winterquartiere hen un kehrt in’t neegste Vörjohr denn wedder torüch na de Stäen, wo se bröden doot. Ehr Treck is in Noordamerika en Symbol for de Johrestieden ehrn Wessel.

Grote Kanadagoos
Grote Kanadagoos
De Grote Kanadagoos (Branta canadensis)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Göse (Anserinae)
Tribus: Echte Göse (Anserini)
Geslecht: Seegöse (Branta)
Oort: Grote Kanadagoos
Wetenschoplich Naam
Branta canadensis
Linnaeus 1758

In Europa is de Grote Kanadagoos to’n Deel mit Afsicht ansiedelt wurrn. Man en groten Deel vun de Populatschonen, de dat hüdigendags sunnerlich in Grootbritannien, Irland, Skandinavien un de Nedderlannen geven deit, stammt vun Vagels af, de enerwegens utbüxt sünd. Vun de 1970er Johre af an brott se ok in Düütschland.

De Kanadagoos is en been grötter, as de Willgoos. Dor is se de grottste Göseaart mit, de in Europa in Freeheit leven deit.

Grote Kanadagoos
Dat witte Kinnband is en typisch Kenneken for de Grote Kanadagoos
Grote Kanadagoos
Bi’t Flegen
Grote Kanadagoos
Küken
Grote Kanadagoos
Kanadagoos mit Lüttje
Grote Kanadagoos
Ei von de Grote Kanadagoos

Kennteken

To de Seegöse höört veel Aarden to, de to’n groten Deel swatte Feddern dreegt, en swatten Kopp un en swatten, langen Hals hefft. For de Grote Kanadagoos is typisch dat witte Band vun de Kehl bit over de Backen hen. De swatte Hals geiht over in en wat witte Bost. Ganner un Goos verscheelt sik in’e Farv nich. Dat Lief warrt 55 bit 100 cm lang un wegen kann de Goos 3 bit 6 kg.

Wie se leven deit

De Grote Kanadagoos blifft over Nacht up Water. Bi Dag fritt se up Water un an Land sunnerlich Gras, Saat un anner Grööntüüch. Hen un wenn fritt se ok lüttje Tiere.

Wie se sik vermehrt

De Goos leggt veer bit acht witte Eier un brott um un bi 30 Dage. De Ganner maakt dor nich bi mit, man passt de Goos un dat Nest up.

Wo se vörkummt un wo se leven dei

Düsse Aart kummt vör up Seen, Weideland un Sümpe. Bröden deit se in Kanada, Alaska, Sweden un England. Dat gifft dor 7 Unneraarden bi:

  • B. c. occidentalis: süüdwestlich Alaska.
  • B. c. fulva: süüdlich Alaska un de Westen vun Brittsch-Kolumbien.
  • B. c. maxima: In’n Süden un in de Midden vun Kanada.
  • B. c. parvipes: vun zentral Alaska bit na zentral Kanada hen.
  • B. c. moffitti: In’n Süüdwesten vun Kanada un in’n Noordwesten vun de USA.
  • B. c. interior: In’n Süden un in de Midden vun Kanada.
  • B. c. canadensis: In Kanada sien Osten.

Weblenken

Grote Kanadagoos  Grote Kanadagoos. Mehr Biller, Videos oder Audiodateien to’t Thema gifft dat bi Wiki Commons.

Tags:

Grote Kanadagoos KenntekenGrote Kanadagoos Wie se leven deitGrote Kanadagoos Wie se sik vermehrtGrote Kanadagoos Wo se vörkummt un wo se leven deiGrote Kanadagoos WeblenkenGrote KanadagoosAantenvagelsEchte GöseGeslecht (Biologie)GöseNoordamerikaOort (Biologie)Seegöse

🔥 Trending searches on Wiki Plattdüütsch:

IrlandVereenigte Araabsche Emiraten(238) HypatiaCuxhoben/Söhns un DöchterCharon (Mythologie)BarcelonaNeapelAnton Bruckner200114. SeptemberTadschikistanRusslandUpnahm vun ne’e EU-LännerPyritGalaxieKohlmülerPlattdüütschSowjetunionJeff GoldblumTexasGalenitBitka na NeretviAnslag op de Crocus City HallStyx (Maand)FloridaSellschapBurkina FasoKönigriek vun de NedderlannenJohn Wayne Gacy1958Damm (Anatomie)MexikoÖversettenKatja RiemannBauxitLibyenRadioaktivitätMax BrodFranz I. Stephan (HRR)Pjöngjang(639) LatonaJesus vun NazaretJohn Churchill, 1. Duke of Marlborough1000Finanzkrise 2007/2008OosterhaasHalogenTichonowAnistonLymphopenieHööftreegSwiez19924. September1969AlpenVereenigt Königriek vun Grootbritannien un NoordirlandSlüüsNigeriaKomeetWegmaken vun dat Schaamhoor25. MärzDirty DancingRatschonalismus🡆 More