Ebeye is dat Eiland vun dat Kwajalein-Atoll in de Republik vun de Marshallinseln, wo de meisten Minschen up leben doot.
12.000 Lüde (dat sünd üm un bi 20 % vun dat Land) hefft dor man just bi 36 ha Platz. Dat is man just de drüdde Deel vun en km². Dor is Ebeye en vun de Öörd up de ganze Eer mit, wo de meisten Minschen up den lüttjesten Platz tohopenleven doot. De Insel is ok dat Zentrum vun de Ralik Keed, wat de ööstliche Deel vun de Marshallinseln is.
En Deel vun de Lüde, de dor wahnt, möss 1954 siene Heimat up dat Rongelap-Atoll vunwegen den US-amerikaanschen Atom-Test verlaten. De Amerikaners harrn an'n 1. März 1954 up dat Bikini-Atoll de 15-Megatonnen-Bomb „Bravo“ in'e Luft jaagt. Up dat Rongelap-Atoll in de Nahberschup hett dat denn radioaktiven „Snee“ (Fallout) geven. Dat ganze Atoll weer denn kontamineert. Veel Inwahners kregen dat mit de Strahlenkrankheit to doon un veel vun de Kinner, de up'e Welt kemen weern verkröpelt. De US-Behörden hefft düsse Lüde denn amenn nah Ebeye ümsiedelt.
En Deel vun de Inwahners vun Ebeye arbeit vundagen in dat Raketen-Testzentrum vun de US-Armee in dat Kwajalein-Atoll. Dat heet mit Naam Ronald Reagan Ballistic Missile Defense Test Site[1]. Vun 1906 af an höör Ebeye to de düütsche Kolonie Düütsch Neeguinea.
This article uses material from the Wikipedia Plattdüütsch article Ebeye, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.