Den Bosch
| Wapen/Flagg | Koort | |
|---|---|---|
| ||
| Basisdaten | ||
| ||
| Flach: | 91,26 km² | |
| Inwahners: | 135.596 (Januar 2007) | |
| Inwahnerdicht: | 1.485,8 Inwahners pro km² | |
| Hööchd: | 7 m över de See | |
| Postleettall: | 5200-5259 | |
| Vörwahl: | 073 | |
| Geograafsche Laag: | 51° 25′ N, 5° 11′ O | |
| Grenzen bi OSM: | 162798  | |
| Öörd in de Gemeen: | 9 | |
| Börgermeester: | Ton Rombouts | |
| Websteed: | www.s-hertogenbosch.nl | |
Den Bosch, offiziell ’s-Hertogenbosch (düütsch Herzogenbusch, franzöösch Bois-le-Duc) is de Hööftstadt vun de Provinz Noord-Brabant in de Nedderlannen. To de Gemeende Den Bosch höört de Stadt Den Bosch un de Dörper un Öörd Bokhoven, Empel, Engelen, Hintham, Kruisstraat, Meerwijk, Orthen un Rosmalen to. In'n Januar 2007 leven in de Gemeende 137.596 Inwahners.
Laag un Weertschop
Den Bosch liggt in’n Süden vun de Nedderlannen, bi 80 km süüdööstlich vun Amsterdam. De Gemeende is 91, 26 km² groot. De Stadt liggt bi 7 m över NN in en Brookland an de Dieze (dat is en Beeke, de in de Maas fleten deit) un an den Kanal Zuid-Willemsvaart. De Stadt is en Knüttpunkt för Iesenbahnen. Snelltöög gifft dat ü.a. na Utrecht–Amsterdam, Eindhoven–Maastricht, Tilburg–Breda un Nimwegen. In de Stadt is de Sektor vun de Deenstleisten besunners wichtig, man dat gifft ok allerhand middelgrote un lüttje Ünnernehmen vun Industrie un Hannel. Bavenhen sitt in de Stadt en Gericht, de Verwalten vun de Provinz, verscheden Krankenhüser un Anstalten vun de Psychiatrie. Wichtige Scholen gifft dat ok un en röömsch-kathoolschen Bischop hett sien Seet in Den Bosch.
This article uses material from the Wikipedia Plattdüütsch article Den Bosch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.