Film Cyrano De Bergerac

Cyrano de Bergerac (dt.

Filmdaten
Plattdüütsch Titel:
Originaltitel: Cyrano de Bergerac
Düütsch Titel: Cyrano von Bergerac
Produkschoonsland: Frankriek
Johr vun’t Rutkamen: 1990
Läng: 138 Minuten
Originalspraak: Franzöösch
Öllersfreegaav in Düütschland: FSK 12
Filmkru
Speelbaas: Jean-Paul Rappeneau
Dreihbook: Jean-Claude Carrière
Jean-Paul Rappeneau
Produkschoon: René Cleitman
Michel Seydoux
André Szots
Musik: Jean-Claude Petit
Kamera: Pierre Lhomme
Snitt: Noëlle Boisson
Szenenbild: Ezio Frigerio
Kledaasch: Franca Squarciapino
Dorstellers
  • Gérard Depardieu: Cyrano de Bergerac
  • Anne Brochet: Roxane
  • Vincent Perez: Christian de Neuvillette
  • Jacques Weber: Comte de Guiche
  • Roland Bertin: Ragueneau
  • Philippe Morier-Genoud: Le Bret
  • Pierre Maguelon: Carbon de Castle-Jaloux
  • Anatole Delalande: Dat Kind
  • Philippe Volter: Vicomte de Valvert
  • Jean-Marie Winling: Lignière
  • Gabriel Monnet: Montfleury
  • François Marié: Bellerose

Titel: Cyrano von Bergerac) is en franzööschen Historienfilm ut dat Johr 1990. Dat Dreihbook baseert op dat Theaterstück mit glieken Naam vun Edmond Rostand, in dat all Woorwessel in Alexandriners sproken warrt. In den Film speelt Gérard Depardieu de Hööft- un Titelrull, Speelbaas weer Jean-Paul Rappeneau. De Premiere weer an’n 28. März 1990 in Frankriek.

Inholt

De Film speelt in Paris in’t Johr 1640. De grote Fechtmeester Cyrano de Bergerac un Dichter mit spitze Tung mit grote Leev för Freeheit, verkieht sik in sien schöne Cousine Roxane. Man he troet sik nich, ehr dat intogestahn, vunwegen dat he en bannig grote Nees hett un bang is, dat se em wegen ehr afwiesen deit. Dorto kummt, dat sik Roxane in Christian verkeken hett, de goot utsütt un in Cyrano sien Gardetrupp, de Gascogner Kadetten, deent. Roxane is vun Hart en Fründin vun de so nöömten Preziösen, un verlangt dorüm, dat ehr Utwählten ehr mit Wöör vull vun Geist ümwarven deit. Man, Christian hett keen Sinn för de Poesie. So stellt Cyrano em Hülp an: He schrifft in sien Naam Brefen vun Leev mit grote Kunst. De Brefen hebbt Spood, un so winnt he Roxane sien Hart un Hand. Heemlich heiraat de beiden.

Man, Christian hett en gefährlichen Konkurrenten: den influssrieken Comte de Guiche, de en anheiraaten Verwandten vun den Premierminister, Kardinal Richelieu is. Guiche harr Roxane to sien Leefsten maken wulln, man Roxane will vun em nix weten. As ne’en Oberst vun de Gardetruppen lett he Christian noch in de Hochtietsnacht tosamen mit de Gasconger Kadetten in’n Krieg gegen Spanien opbreken. Wiel’t Belagern vun Arras warrt de franzööschen Angriepers vun de spaansche Verstarken inslaten un staht nu in en Tweefrontenslacht. Cyrano, de Roxane toseggt hett Christian to schulen, versöcht mit all sien Kraft, sien Verspreken intohollen.

Roxane verkleedt sik un kann so to de inslatenen Franzosen vördringen. Intwüschen hett Christian insehn, dat Roxane em nich wegen sien fein Utsehn, man vör allen wegen de geföhlvullen Brefen vun Cyrano leef hett. ALso schickt he sik an, Roxane sien egen Leef to wiesen. Roxane schall sik denn een vun de beiden Mannslüüs, de ehr geern hebbt, utsöken. Man, noch vördem Roxane de Wohrheit wies warrt, fallt Christian in en Gefecht. Cyrano will sien Andenken wohren un vertellt Roxane wieterhen nix vun sien egen Geföhlen. Se aver tütt sik torüch in en Klooster, ok wenn se keen Nunn warrt. Cyrano sett sien Leven dorna för sien Cousine in un hollt veerteihn Johren lang de Illusion vun Christian sien unvergliekbore Leefdichtkunst oprecht. Eerst denn verrat he sik ut Versehn, man dat late Glück schall sik nich mehr instellen. Bi en Anslagg warrt he swoor besehrt un blifft in’n Kloostergoorn an die Siet vun Roxane un sien besten Frünnen doot.

Kritiken

  • In’n film-dienst 1/1991 weer dat Wark as en opwännige Neeverfilmen beschreven, de sik drang an dat Original hollen deit, all Dialogen in Versform dorbringen deit un de Geschicht mit Elementen ut den Aventüer- un Actionfilm verbinnen deit. Depardieu sien Speel warrt as brillant betekent.
  • epd Film 1/1991 schreev, dat de Film sogor beter weer, as dat Theaterstück. Dat Kunstsstück weer, dat de riemelten Alexandriners vun dat Versstück tomeist bibehollen weer, de Text aver vun Rappeneau un Carrière düchtig bearbeit. Dör dat Körten, Tofögen un Modernesieren weer de Text för den Film torecht maakt.

Filmpriesen

De Film weer utermatig spoodriek, wat sik in en grote Tall vun Filmpriesen wiesen deit. För mehr as föfftig Priesen weer de Film vörslahn, dorünner fief mol för den Oscar. Uttekent weer he mit eenundörtig dorvun, ünner annern mit:

  • 1991: den Oscar in de Kategorie Best Kledaasch för Franca Squarciapino
  • 1991: den Golden Globe in de Kategorie Best frömdspraaksch Film
  • 1991: den César in de Kategorie Best Speelbaas för Jean-Paul Rappeneau
  • 1991: den César in de Kategorie Best Film för Jean-Paul Rappeneau
  • 1991: den César in de Kategorie Best Schauspeler för Gérard Depardieu
  • 1992: den BAFTA Film Award in de Kategorie Best Kledaasch för Franca Squarciapino
  • 1992: den BAFTA Film Award in de Kategorie Best Kamera för Pierre Lhomme

Kiek ok

  • Cyrano de Bergerac, histoorsche Person

Literatur

  • Edmond Rostand: Cyrano de Bergerac. Comédie héroique en cinq actes en vers. Reclam, Stuttgart 1996, ISBN 3-15-009026-1

Weblenken

Tags:

Film Cyrano De Bergerac InholtFilm Cyrano De Bergerac KritikenFilm Cyrano De Bergerac FilmpriesenFilm Cyrano De Bergerac Kiek okFilm Cyrano De Bergerac LiteraturFilm Cyrano De Bergerac WeblenkenFilm Cyrano De BergeracGérard Depardieu

🔥 Trending searches on Wiki Plattdüütsch:

Anslag op de Crocus City Hall2016Erfurt14. SeptemberSpeelJohannes CaseliusNikola TeslaMexikoOmanHutchinson County (Texas)No Doubt1908ÄthiopienLisa VittozziPoolsche SpraakMalawiKoffieVereenigte StatenSpace ShuttleNina KronjägerAnton BrucknerStyx (Maand)FreseKomeetAC/DC11694. SeptemberAppleLettlandPimentEuropääsche UnionNorwegenNeapelSellschop (Mehrdüdig Begreep)1992UNESCOFamily PlotIesenHenny ReentsIstanbulTanachOosterhaasAnistonMin JehannLincoln County (Oregon)John Wayne Gacy1969UgandaFeernseherJeff GoldblumFrank Liebig6. Februar2015Katja RiemannSowjetbesatten vun AfghanistanAlkalimetallTadschikistanFechtsportLymphopenieJodendomAlpenVietnamkrieg26. April2021Damm (Anatomie)Memorial (Minschenrechtsorganisatschoon)Robin WilliamsCharon (Mythologie)QuadratmeterKoolt Krieg🡆 More