Breevoort (nedderlandsch: Bredevoort) is de eenzige Stadt in de Gemeende Aalten in den Achterhook, Provinz Gelderlaand in de Nedderlannen.
De ole Festungstadt Breevoort is vanaf 1818 Deel van de Gemeende Aalten. In dat Middelöller geev dat in Breevort en Borg. De Borglüüd weren de Verdedigers van dat fröhere Slott van Breevoort. De Herrn van Breevoort möken van de fröhere Vörborg en Festung, de van 1326 bet 1795 Hööfdstadt van de Herrlichkeit Breevoort was (wat nu de Gemeenden Aalten un Wenters sünd). De Grote Grachte un de Möllebastion erinnert noch an disse Tied.
De historische Wichtigkeit van Breevoort seht man ook doran, dat Königin Beatrix den Titel „Vrouwe van Bredevoort“ driggt. De Möhl van Breevoort hett den Naam „Prins van Oranje“ wat ok de Verbunnenheit mit dat Huus van Oranje wiest.
Hendrickje Stoffels (1626-1663) is de bekanntste van Geboort Breevoortsche. Se was in dat 17. Johrhunnert Schildersmodel un Levenspartner van Rembrandt van Rijn.
Breevoort is in de Nedderlannen vörall bekannt as Bökerstadt. De Gondelfahrt elk Johr an’t letste Wekenenn van August un dat eerste Wekenenn van September treckt alltied vele Besökers.
This article uses material from the Wikipedia Plattdüütsch article Breevoort, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.