De Billerbeek is en ölven Kilometer langen Beek, de von links in de Luun münnt.
Billerbeek | |
---|---|
Laag | Neddersassen |
Stroomsystem | Werser |
Läng | 11 km |
Afströömrebeed | 41,3 km² |
Born | bi Harndorp |
Münn | bi Stubben in de Luun |
linke Blangenströöm | Stubbengraven |
rechte Blangenströöm | Ollendörper Beek |
schippbor | - |
De Born von’n Billerbeek is in’n Süüdoosten von Harndorp. Von dor flütt de Beek na Noordoosten an Lübbst vörbi un dör Ax. Na Ax, kort nadem de Bahnlien Bremen-Bremerhoben över den Beek rövergahn is, dreiht de Beek na Noorden. Op dat rechte Över liggt denn Ollendörp un op dat linke Loh. Kort Stück wieder bi Hassbüttel münnt von links de Stubbengraven in’n Billerbeek, de von Loh kummt. Noch wedder en Stück wieder nimmt de Beek von rechts den Ollendörper Beek op, de sien Born bi Steern hett un an Ollendörp langsflütt.
De Billerbeek kummt denn bi Bokel an dat linke Över un Stubben an dat rechte Över vörbi. Twüschen Bokel un Stubben geiht de Bahnlien Bremen-Bremerhoben noch en tweet Maal över’n Billerbeek röver. In’n Noordwesten von Stubben bi Huh münnt de Beek denn in de Luun.
Dat Water in de Luun flütt von dor wieder in de Werser un in de Noordsee.
This article uses material from the Wikipedia Plattdüütsch article Billerbeek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.