Slik
Slikkerij (of gewoon: slik) is de algaimene noam veur lekkernijn, maisttied mit zuker as heufdbestandsdail.
Slik ontstond ooit as medizien, de pil vond man aait hail bitter en smeuk dus nait zo lekker. Man bedacht loater dat n zukerloagie om de bittere pil t minder vies môken zol, dit bleek te kloppen, den mìnzen vonden heur zölfs lekker. In t begun was slik allend verkriegboar bie de aptaik mor wuir loater gewoon in de supermaarkten verkocht as lekkernij (doarveur nog bie de krudenier en slikwinkel).
t Woord slik is oflaaid van t waarkwoord slikken, dat tegenswoorden ook as betaikenis snoepen hebben ken. Ook t eten van kouk, chips en slagroom vaalt onder 'slikken'.
Drop is in Nederlaand t maist eten slik. In Nederlaand wordt zo ain 32 miljoen kilo drop per joar slikt. In Belgie is dit middelkerwies sukkeloa.
Smoak- en kleurstoffen kennen touvougd wezen aan slik om dizze produkten beter te smoaken lôten of om n bepoalde kleur aan t slik te geven.
Zukerversieren wordt bruukt om desserts te verfraaien, n veurbeeld hiervan binnen de spikkels op softies.
Bie summege feesten, zo as Sunterkloas, wordt der slik spesjoal veur t feest môkt. Bie t Sunterkloasfeest binnen dit in Nederlaand bieveurbeeld pepernoten, sukkeloadeletter en taaitaai, in Belgie binnen dit beeldjes van Sunterkloas en Zwaarte Pait uut sukkeloa. Ook spekuloas wordt voak in verbaand bracht mit Sunterkloas.
Der bestoan ook mìnzen mit n slikversloaven. Dit holdt in dat dijgene veul slikt en sums trilt as hai of zai n gebrek aan zuker het. Dit komt ook veur bie nait-slikversloafden mor bie slikversloafden ken t voaker veurkommen deur de grode houveulhaid zuker.
Der bestoat ook zukerloze slik, dit slik is bedould veur diabetespasjenten (zukerzaikte) of mìnzen dij op taks binnen mor toch geern slikken.
Soorten slik
- zoerkes
- borstploat
- botterbabbeloar
- drop
- zukerspin
- kaauwgom
- sukkeloa
- bonbons (pralines)
- pepermunt
- noga
- lolly's
Leegsaksisch
- Achterhooks: snoop of sneup
- Drèents:
- slik
- slikkeraai
- slikkerij(e)
- sneup
- snuup
- Grunnegs: slik of slikkerij
- Stellingwarfs: snuperi'je
- Tweants:
- slik(keriej)(e)
- sneuperiej(e)
- Veluws:
- snoepje(n), -ie(n)
- snupien
- snopien (Doornspiek)
- lekkertjen
- lakkertien (Vaossen)
- snipsnaaiderieje (Apeldoorne)
This article uses material from the Wikipedia Nedersaksisch article Slik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.