t Sardies of Sardinies (Limba sarda) is n taal die allinnig op t Italiaanse eilaand Sardinië espreuken wörden.
Zo'n tachetig persent van de eilaandbewoeners praoten Sardies, dit kömp neer op zo'n 1,3 miljoen meensen. Ze bin meestentieds tweetalig Italiaans/Sardies.
In tegenstelling tot t Italiaans en aandere Romaanse talen hef t Sardies nog veule fonetiese en grammatikale elementen van t Latien overehuilen. Over t algemeen wörden t ezien as de meest behouwende van alle Romaanse talen, allewel uut staoties onderzeuk dat pas nog edaon is, blik dat juust t Italiaans behouwener naor veuren kwam.
Zo onderscheidt t Sardies (of in elk geval de Logudorese variëteit) zien eigen van alle aandere Romaanse talen deurdat de "c" veur "i" en "e" niet in n sis-klank is veraanderd, mer nog altied as "k" uutespreuken wörden, zo as in t klassieke Latien.
Deur n regionale wet van 1997 en n wet van de Italiaanse Republiek van 1999 wördden t Sardies offisieel mit t Italiaans geliekesteld, bieveurbeeld as bestuurs- en onderwiestaal. In t openbaore leven op Sardinië is t Italiaans nog altied naodrokkeliker anwezig.
t Sardies is in twee tot vuuf variëteiten of heufddialekten verdeeld:
Daornaost wörden der nog in t uterste noorden van Sardinië twee variëteiten espreuken, die iezelig nauw an t Korsikaans verwaant bin. Sommige zien t as n amparte taal die de overgang vormp van t Sardies naor t Korsikaans en sommige zien t as variëteiten van t Korsikaans. Dit bin ze:
Naost de bovenstaonde variëteiten wörden der in de noordwestelike stad Alghero oek nog n Katalaanse variëteit espreuken; t Algherees.
Biezunder opvallend an t Sardies is t bepaold lidwoord: aanders as aandere Romaanse talen gebruken ze niet t Latiense pronomen demonstrativum (t anwiezend veurnaamwoord): ille, illa, illum (Nedersaksies: die, dat, daor bie hum/heur/t) (bieveurbeeld Italiaans il/lo, la, Frans le, la, Spaans el, la), mer t pronomen determinativum (bepaolend veurnaamwoord): ipse, ipsa, ipsum (Nedersaksies: zelf, vanzelf; zelfs, allinnig (al); juust, krek) (Sardies su en sa). t Meervoud in t Sardies wörden evormp mit -s (zo as in de West-Romaanse talen): sa domo > sas domos, su cane > sos canes.
Bronnen / wellen: |
This article uses material from the Wikipedia Nedersaksisch article Sardies, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.