Süüdossetie

Georgie en andere landen betwisten de unafhangelikheid. Et land is officieel een semipresidentiele republik, mid et karakter van een satellitståt. De vroggere süüdossetiske KGB-leider, Leonid Tibilov, trad up 19 april 2012 an as president.

De unafhangelikheid van Süüdossetie wördde erkend döär Rusland up 26 augustus 2008, döär Nicaragua up 2 september 2008, döär Venezuela up 10 september 2009, döär Nauru up 15 december 2009 en döär Syrie up 29 mei 2018.

Süüdossetie ligt an de süüdkante van de Kaukasus, dee grenst an de russiske republik Noordossetie, en strekt sik richting et süden üüt tot an de rivyr Mtkvari in Georgie. Een grout deyl van et bargachtige gebeed ligt 1.000 meter boaven seynivo.

Süüdossetie hevt een uppervlakde van 3.900 km² en hevt üm de by 70.000 inwuners, dee een mengeling binnen van georgiers en osseten. De groutste stad in et gebeed is Tskhinvali, dat as de höyvdstad van et gebeed deent.

De regio was een autonoom oblast in Georgie under de Sovjetuny.

In de nacht van 8 augustus 2008 (lokale tyd) völlen georgiske truppen Tskhinvali an, nådat de georgiske regering bewäärde dat de süüdossetiske separatisten darpen in de buurt van Tshkinvali ebombardeerd sollen hebben, in teagenstelling tot president Micheil Saakasjvilis anbud tot wåpenstilstand.

Georgie reageerde upny döär et leager in te setten, en hevt vervolgens hülpe esöcht by de Vereynigde Ståten van Amerika.