RTV Drenthe is de regionaole radio- en tillevisie-umroep van de pervincie Drenthe.
De umroep is ontstaon bi'j 't splieten van Radio Noord (töt dan an toe de regionaole zender van Grunning en Drenthe) in 1989. RTV Drenthe hef zien stee in Assen.
Radio Drenthe zendt uut tussen zeuven uur 's ochtends en half zeuvene 's aovends. De zender brengt zowal ni'js-, meziek- as praotpregramma's, daoras een luttik diel van in 't Drèents wördt edaone, zoas 't pregramma mit christelijke meziek 'Veur de preek' (ok op de webstee van de umroep te beluustern). TV Drenthe verzörgt gemiddeld een uur zendtied per dag, miestentied een combinaosie van 't dagense regionaole ni'js en een wekelijks themapregramma. De uutzendings begunt kört veur zessen in de aovend. De rest van de aovend en nacht herhaalt ze de uutzendings of is d'r Tekst TV veur. An pregramma's in 't Drèents is d'r onder meer 't jaorlijkse 'Drents Dictee' in de 'Meertmaond - Streektaolmaond'.
Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek. |
This article uses material from the Wikipedia Nedersaksisch article RTV Drenthe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.