Ni'j-Heeten
Ni'j-Heeten is een dörpien in Sallaand en lig in de Oaveriesselse gemiente Raolte.
Et dörp had in 2020 zo um en naobi'j 1150 inwoners
| Ni'j-Heeten | |||||
dörp in Nederlaand  | |||||
| |||||
| Bestuur | |||||
| Provinsie |  Oaveriessel | ||||
| Gemeente | Raolte | ||||
| Geografie en bevolking | |||||
| Inwonners | 1155 (2020) | ||||
| Koordinaten | , 6° 21′ O | ||||
| Aoverig | |||||
| Belangrieke verkeersaoders | N332 | ||||
| Netnummer | 0572 | ||||
| Postkode | 8112 | ||||
| Offisiële webstae | |||||
| [1] | |||||
Et dörp lig tussen Holten en Raolte in de weilaanden an de rand van de Sallaandse Heuvelrugge. Er umhen ligt ook de dörpen Haorle, Heeten, Okkenbroek, Lettele en Nijverdal.
Cultuur
Luu uut Ni'j-Heeten gaot nauw met mekare um. Er bint rellatief völle inwoners lid van de verschillende verenigings in et dörp.
Beziensweerdigheden
Et dörp hef 5 gemientelike monumenten: Woonhuis, Pastoorstuin en begraafplaats, Pastorie, dubbel woonhuis en de Rooms-Katholieke kärke.
De Rooms-Katholieke Kärke Jozef van Nazareth is van 1923 en ontwörpen deur Wolter te Riele. In et midden van et dörp in et centrum lig t Pleintie. Det is een plein waora-j et kunstwärk 't Gonst vinden kunt. Et bestiet uut veer önderdielen die emaakt bint deur de beeldholder Saske van der Eerden.
Sport
SV Nieuw Heeten is een spörtvereniging in Ni'j Heeten en hef veer spörten önder zich: voetbal, handbal, volleybal en tennis.
Feesten
In et letste weekend van de bouwvakvekantie is er elk jaor een dörpsfeest: et Bouwvakfeest. Dit feest duurt drie dagen en wördt örganiseert deur de carnavalsvereniging de Hekk'nsluuters. Met Koningsdag is er Orangepop.
Luu die in Ni'j Heeten ewoont hebt
- Willie Oosterhuis (1954), presentator
- Sven Boekelder (1994), veurmaolig veurzitter van Gumbo Millenium en Studenten Oaverleg Orgaan Zwolle
- Hanne van Rossum (1996), handbalster
Uutgaonde koppelings
| | Plaatesn in de gemeente Raolte |  | ||||||
|---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes | ||||||||
 | Dit artikel is eskreaven in et sallandsk. |
This article uses material from the Wikipedia Nedersaksisch article Ni'j-Heeten, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.