Neagelhoolt is an de weend edreugd reundvleais.
Vrooger mossn de leu t konserveern, dus leadn ze t in t zoolt, woernoa ze t an n neagel boawn n kachel of t fornuus (de wieme) höngn um te dreugn. Um de vleegn dr of te hooldn wikkeldn de leu dr vaake n kussnsloop um hen.
n Neagelhoolt wördt rechtevoort nog net as vrooger van n achterbil en n achtermoes van n koo emaakt. t Vleais wördt in estrekn met grof zoolt en spesjale kruudn. Doarnoa wördt t vleais n poar wèkke laank dreug ezeultn en in n pekelbad edoan, hermeties of eslötn en um n aandern dag edreeid. Doarnoa wördt t eankele wèkkn (mangs zelfs moandn) edreugd an de locht.
n Naamn keump van neagel en hoolt. Neagel is n spieker (woer t stukn vleais an ehöngn wördt) en hoolt beteeknt n stukn vleais. Dèt is vaake n achtermoes (t hoolt of muuskn) Neagelhoolt was vrooger n deur beleg vuur op de stoete. t Wör vaake alleene an esneedn as dr köjervolk was. Umdèt rechtevoort nog mear ongevear 20 slagers neagelhoolt maakt, is t de leste joarn ook nog aaltied deur.
Neagelhoolt is nit t zelfde as t Duutse Nagelholz, wat kort oawer de greanze wördt emaakt. Dit wördt bie 35-45°C ereukt en met speklapn umwikkeld.
Disse pagina is eskreewn in t Riesns |
This article uses material from the Wikipedia Nedersaksisch article Neagelhoolt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.