Michel de Nostradame (14 december of 21 december 1503 – 2 juli 1566), better bekeand oonder zien Latiensen naamn Nostradamus, was nen Fraansken apotheker en bekeande zeener den at verskeaidene vuurspelliges oetbrachtn, dee at wearldwied bekeand zeent ewördn.
Zien bekeandste book was Les Propheties (De Profesies), woervan at n eerstn druk in 1555 was. Seend at dit book oetköm, en seend dee tied hoaste tooverdan of edrok is, hef Nostradamus völle volgelingn dee at saamn met de pers zegnt det'e verskeaidene grote gebuurtenisse in de wearldgeskiedenisse hef vuurzeen.
Doar steet teegn oawer det de meeste gelearde weln meant det de verbeendige tusken gebuurtenisse van de wearld en de Kwatrienn van Nostradamus vuur n groot deel te daankn is an t verkeerd oetlegn of verkeerd umme zetn (mangs met opzet) dr van, en aanders wal zo ondudelik zeent det ze nauweliks mear vuurspelnde wearde köant hebn. Doar boawn op, ginne van de bekeande weln gef genog bewies det eenn de kwatrienn zo dudelik hef oet elegd det ne gebuurtenisse in t vuurtn an eweezn kon wordn.
Det neamp nit weg det belangstellige vuur t woark van disn biezeundern kearl oet de Fraanske Renaissance nog aait beheurlik groot is, en de vuurspelliges hebt in eankele gevaln wier aanders oet elegd ewördn duur de Biebelcode too te pasn, as met aandere bekeande profetiese woarkn.
This article uses material from the Wikipedia Nedersaksisch article Michel de Nostredame, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.