Kìrstman
De Kìrstman is n figuur dij staait veur de kìrsttied en dij ien Grunnen sunt de joaren '30 bestaait.
In Amerika bestaait e sunt de twijde haalve van de 19e aiw. Tegenswoordeg het hai n haile belaangrieke en wereldwiede stee innomen op kìrstkoarten, in etaloazjes, in kìrstmuziek en ander kìrstartikelen. t Figuur is baseerd op Sunterkloas, dij deur Nederlaandse kolonisten mitnomen is noar New York (Verainde Stoaten), woar zien noam verbasterd wuir tot Santa Claus. De kìrstman staait bekind om zien roupen: "Ho Ho Ho (Merry Christmas - in elke verschaaidene toal)".
Traditsie in Amerikoa
Nevvens de Amerikoanse traditsie, woar middelkerwies aal ander traditsies ook op baseerd binnen, woont de kìrstman op de Noordpool. Hai gaait op kìrstoavend over haile wereld in zien vlaigende slee mit rundaaier om kinder kado's te geven deur de schösstain hìn. De kado's legt e din onder kìrstboom of in de sokken, dij man aan de bözzem haangen zol. Veur kìrstoavend gaait e ook de haile wereld laangs om in winkelzìntrums en maarktploatsen de wìnsliesten van de kinder te ontvangen en om te zain of zai wel laif wèst binnen.
Broeken in Grunnen
In Grunnen kwam in de joaren '30, noast Sunterkloas, ook elk joar de kìrstman bie kinder laangs om heur kado's te brengen. Noast kado's was t ook de kìrstman dij de kìrstboom laangsbrocht. Noa de oorlog is dizze traditsie verwotterd en is Sunterkloas de belaangriekste figuur worden dij kinder kado's brengt.
This article uses material from the Wikipedia Nedersaksisch article Kìrstman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.