t Hibbrais is n Semitische toal en is de belaangriekse toal van Izrel.
t Wordt schreven ien t Hibbraise alfabet van links noar rechts. t Hibbrais wordt zain as de toal van de Jeuden, omreden de Tora oorspronkelk doarien schreven is. Dizze toal, ook wel klassiek Hibbrais nuimd, wordt deur de Hibbraiskers Leshon HaKodesh nuimd, wat de hailege sproak betaikent. t Noudoagse Hibbrais wordt Ivrit nuimd, wat ien t Grunnegs letterliek vertoald worden kin as 'Hibbrais'. t Wordt proat deur om en bie 8,5 miljoen mìnsken ien Izrel en ien Jeudse gemainschoppen over de haile weerld.
t Hibbrais is aiwenlaank n dooie toal wèst, môr wör wel kunstmoateg ien leven holden deur de Jeudse hailege geschriften. Dit is verliekensboar mit t Latain. De toal bie t ontstoan van Izrel opnij ien t leven brocht. De luu dij veurtieds Jiddisch (Germoans Jeuds) en Sefardisch (Iberisch Jeuds) praiten, wizzelden dizze toal veur t Hibbrais. Dit wör veuraal doan deur de Zionisten, ien tieds dat veul extreem ortodxe rabbies zok hiertegen ôfzetten deden. Zai wollen n schaaiden holden tuzzen t Hailege Hibbrais as relegjeuze toal en t Jiddisch as toal veur aaldoag. Toch proaten veul charedische Jeuden tegenswoordeg wel Hibbrais.
This article uses material from the Wikipedia Nedersaksisch article Hibbrais, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.