Global Kryner is nen oberkrainerband oet Oostenriek.
Global Kryner is op erichtet in 2003 duur Christof Spörk.
Global Kryner wik of van aandere oberkrainerbands, umdet ze internasjonaal bekeande popverskes ummezetten doot noar de oberkrainerstiel. Hierduur hebt ze oberkrainer bie n grötter publiek bekeand weten te maken. Öare bekeandheaid nöm onmeundig too doo at ze vuur Oostenriek metdeden an t Eurovisie Songfestival van 2005. Ze steurden twee verskes in, Y Así en öare bewoarking van t bekeande nommer Dreaming. Duur disse tweedeling verlöaren ze stemmen en wun oeteaindelik öare tegenstaander Alf Poier. Den har skoonwal zegd det he nit met zol doon as hee zol winnen, woermet he angavven det hee feaitelik ook wol det Global Kryner zol winnen. Öare oeteaindelike inzeanding was Y Así, n versken oawer n Kubaans meaken det gek is van nen Oostenrieksen jodeler. t Versken haalden oeteaindelik de 21e plek in de halve finale met 30 peunten. n Oostenrieksen umroop was zo hellig det ze t joar doarop nit metdeden.
Öar muziekanbod, stemmingmakerieje, spölnivoo en verniejende ideeën maakt Global Kryner geleefd bie zowal volksfeeste as bie jazzfestivals. Öare muzikale beweaglikheaid blik oonder mear oet t feit det ze zelfs met n soultrio, The Rounder Girls ne CD hebt op enömmen den't good wörd oontvöngen. Ze reaizet inmiddels de hele wearld oawer.
This article uses material from the Wikipedia Nedersaksisch article Global Kryner, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.