Dené-Jenisejische toalfemilie is n veurstelde toalfemilie bestoande oet Jenisejische toalen dij sproken worden ien t bekken van Jenisej ien Siberie en de Na-Denétoalen ien t westen van Noord-Amerikoa.
Verbanden tuzzen Na-Dené en Siberische toalen waren al laanke tied verondersteld. Toalfemilie wer ien feberwoari 2008 presenteerd deur Amerikoanse toalkundege Edward Vajda, baseerd op n tienjoareg onderzuik noar t proto-Na-Dené en t proto-Jenisejisch. t Veurstel wer besproken op n kongres woarop belangriekste autoriteiten van Jenisejische en Na-Dené-toalkunde nuigd werden, woaronner Michael Krauss, Jeff Leer, James Kari en Heinrich Werner, dij konkludeerden dat baaident toalfemilies inderdoad besibt binnen. Boetendat wer konkludeerd dat t Haida, dat sproken wordt veur kust van Alaska, gain Na-Denétoal is, aanders as wat deur summigen aannomen wer.
Dené-Jenisejische toalfemilie is eerste veronderstelde toalfemilie dij indioanse toalen en toalen van boeten t Amerikoanse kontinent ien verbaand brengt. Na-Denétoalen omvatten onner aandere t Tlingit, Navajo en Apache en hebben gezoamlek 300.000 sprekers. Jenisejische toalfemilie telt zes toalen, dij op t 500 sprekers tellende Ket noa apmoal oetstorven binnen.
Dit artikel is skreaven in et grönningsk. |
This article uses material from the Wikipedia Nedersaksisch article Dené-Jenisejische toalen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.