Dörsk
De dörsk of kabbeljou (Gadus morhua) is n visksoort dij veurkomt ien de Atlantische Ozeoan.
Hai het n laange tot 150 sm aan tou en meet middelks 80 tot 90 sm. De dörsk het n olivengruine en broenvlekte rug, n wit lief en n laange kindroad.
De grootste vangploatsen binnen Newfoundlandbank, de Lofoten en de Doggersbank. De visksoort leeft op daiptes van 20 tot 600 meter tou bie de bodem. De dörsk vouert zok veurnoamelk mit kreeftkes, genoatkes, lutje viskes en mözzels.
t Vlais van de dörsk is fien van smôk en het n lösse struktuur. De visk wordt veul fileerd en is n haile populere visk. Soamen mit heern, laks (solm) en koolvisk is de dörsk de maist eten visk ien Nederlaand.
Lutje dörsk hait gul. Dreugde dörsk wordt ook stokvisk of dreugvisk nuimd en frituurde stokken dörsk wordt kibbeling nuimd. Skraai is de noam dij er krigt ien periode tuzzen dezìmber en april as er vanoet de Barentszzee noar t noordwesten van Noorweeg tou gaait om te poaren. De noam skraai is ôflaaid van t Oldnoorse skrida, dat zowat betaikent as "raaizen".
Zai ook
This article uses material from the Wikipedia Nedersaksisch article Dörsk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.