Bohemen

t Is ain van de traditsjonele Tjechse landen, noast Morawie en Sleezje. De heufdstad was Proag. Bohemen het noa de val van t Groot Morawische riek ien de 10. aiw, laank n zulfstandeg hertoogdom, en loater keunenkriek, wèst en haar ien eerste ienstaansie gain stoatkundege reloatsie mit Morawie, behaalve dat zai dail oetmuiken van de feodoale konstelloatsie van t Hailege Reumse Riek. Pas ien de tied dat de Habsburgers (doudestieds kaaizerlieke femilie van t Hailege Reumse Riek en eertshertoog (loater kaizer) van Oosterriek) de direkte macht der kregen begonnen Bohemen en Morawie dail oet te môken van t zulfde laand. Noadat Oosterriek-Hongoarn noa de eerste wereldkraig vuil, wör t riek verdaild ien landen. Ain van dizze landen was Tjecho-Slowakaai. Vanôf nou wazzen Bohemen, Morawie (inklusief t zudelkste dail van Sleezje) en Slowakaai (inklusief Roetenie) veraind in ain stoat. Noa de eerste wereldoorlog kwam Roetenie bie de Sovjet Unie en noa de val van t kommunisme het Slowakaai zok ôfschaaiden en binnen Bohemen en Morawie over as t nije laand Tjechie.

Vrouger wör de noam Bohemen voak broekt om hail Tjechie mit aan te duden. As man kiekt noar de Tjechs noam, den klopt dit ook. Ook t Tjech zulf nuimt t laand Česká republika (Boheemse republiek). Vrumd genog hebben aandere landen de Tjechse noam overnomen om de haile republiek mit aan de duden, ien tieds dat de oorspronkelke noam Bohemen veur t westelke gebied van de republiek bleef. Dit is verliekensboar mit Gaskonje (Gascogne) ien Frankriek dat noar de Vascones (Basken) nuimd is, môr wat tegenswoordeg gain dail meer is van Baskenlaand. Noast de oorspronkelk Franse noam veur t gebied van de Basken, bestaait tegenswoordeg de noam Basque (van t Baskische: Baskoi veur Vascones) veur t gebied woar of de Basken tegenswoordeg leven.

Deurdat ien t Tjech de noamen veur Tjechie en Bohemen mit ainander overainkommen, vuilen mìnsken oet Tjechs Sleezje en oet Morawie zok beledegd as man heur Tjechiers nuimt. Ien aandere dailen as Bohemen binnen de noamen Česko en Český (Tjechs/Boheems) den ook nait populeer. Dit is verliekensboar as de noam Hollaand veur Nederlaand en Engelaand veur t Veraind Keunenkriek.