Barrevelds
't Barrevelds is een West-Veluws en Utrechts dialect dat esproken wort in de gemeente Barreveld.
't West-Veluws is een overgangsdialect tussen de dialecten uut 't oosten, 't westen maor ok uut 't zujen, 't Betuws (Zuud-Veluws) het veul meer van disse zujelijke kenmaarken, maor boven disse grens kommen sommige van disse kenmaarken ok nog veur.
't Gebied waor ze Barrevelds praoten lei krek boven 't Betuwse taolgebied, 't het dus ok wat meer zujelijke invloejen as bieveurbeeld 't Putters, vergeliek 't Barreveldse stukske maor mit 't Putterse stukje(n). 't Barrevelds het net as 't Niekarks en 't Putters de uutgang -tsje veur 't Nederlanse uutgang -tje.
Umdat Barreveld kortbie Utert lei, het 't ok bult invloejen vanuut 't Uterts een veurbeeld hiervan is de ao in woorden as maoken. In aandere Veluwse dialecten is dat meestal maken. Een aander veurbeeld is de uutspraok van 't woord kussen dat op de grens van Gelderland en Utert mit -ng uut-esproken wort, dus as: kussing, in de rest van de Veluwe is dat meestal kussen.
Barrevelds tellen
| Ciefer | Barrevelds |
|---|---|
| 1 | èèn |
| 2 | tweë |
| 3 | drie |
| 4 | vier |
| 5 | vuuf/vief |
| 6 | zes |
| 7 | zeuven |
| 8 | acht |
| 9 | negen |
| 10 | tiën |
This article uses material from the Wikipedia Nedersaksisch article Barrevelds, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.