Gerusalemme - 'O primmo menisto sraeliano fuje ricovirato ô spitale. Ariel Sharon doppo 'o ricòvero d''o mese scurso cce venette n'autro tocco ô cereviello.
3 'e jennaro 2006
Mosca - 'A Russia e ll'Ucraina trovano n'accordo ncopp''a sciarra d''o ggas. L'Ucraina pava 'o prezzo nurmale 'e 230 duollare pe mille mietre cubbe 'e ggas, ma 'a Russia pava 1,6 duollare p'ogne mille mietre cubbe 'e ggas che attraversano 'o territorio ucraino pe finì dint' a ll'Europa occidentale.
31 'e dicembre 2005
Indunesia - 8 cristiane muretteno e na cinquantina arrestajeno ferute dint' a n'attentato int' a nu mercato 'e Palu, capuluoco d''a pruvincia d''o Sulawesi centrale. Sto mercato è l'uneco che venne carne 'e puorco, magnà proibbuto p''e musulmane.
6 'e jennaro, viernarì
Yemen - Fujeno tutte libberate 'e cinche turiste taliane sequestate a Sanaa.
1 'e jennaro, dummeneca
Italia - 1 Muorto e 583 perzone ferute: chesto è chello che pruvucajeno 'e botti d' 'a notte 'e capudanno 'n tutta l'Italia. 'O muorto è nu guaglione 'e 22 anne 'e Semenara, paese d' 'a pruvincia 'e Reggio Calabbria.
31 'e dicembre, sabbato
Messina - Fujeno ndividuate na parte 'e chille tifuse 'e ll'Inter che affennetteno ô jucatore d' 'o Messina, Marc Zoro. So' 4 guagliune tutte milanise e p' 'e pruósseme 5 anne se ponno scurdà 'e gghì ô stadio: ce 'o vietaje 'o questore Santi Giuffrè.
30 'e dicembre, viernarì
Messina - 'O coordinamento No Ponte, che sta contrario â rializzazzione d' 'o ponte dint' 'o Stritto 'e Messina, e 'a Rete Meridionale del Nuovo Municipio proponetteno nu giamellaggio ch' 'e cumitate No Tav e c' 'o coordinamento d' 'e sìnnace d' 'a Valle 'e Susa. L'abbitante d' 'a Val Susa fujeno mmitate a partecipà a na manifestazzione p' 'a sarvaguardia d' 'o Stritto, 'n prugramma 'o pròssimo 22 'e jennaro a Messina.
29 'e dicembre, gioverì
Romma - Nummenato 'o nuovo cuvernatore d' 'o Banco d'Italia: è Mario Draghi.
This article uses material from the Wikipedia Nnapulitano article Wiki:Nnove d''o Munno, d''a Campania e 'a ll'Italia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.