Spartenza Dialettale D''e Varietà Lenguistiche Tipo Napulitano

Poche songh'e pubbrecazione chiare ca parlano d''a lengua napulitana c''o scopo d''a crassefecà mmiez'a l'ati dialette tipo napulitano.

'E dialette 'e na lengua, comme 'a lengua napulitana, nun se ponno nzignà cu precisione pecché ce sta sempe na lenza 'e transiziona cchiù o meno grossa (eccetto int'a chilli dialetti 'e ll'isule, giustamente).

A siconno 'e na crassifecazzione 'e ll'UNESCO, ca sturia 'e llengue mpericolo, se chiammasse Napulitano / Napulitano-Calavrese. Se dice ca 'e ccrestiane c''a parlano songo 7.500.000 ca.

Ati teste mmericane ausano sta crassifecazzione e 'a chiammano pure Napulitano-Calavrese. 'E dialette aunite ô Napulitano int'a sti teste songo chilli d''a Campania, Calavria citra, Baselecata, Puglia e pure s'annumenano l'Aquilano, Abruzzese, Pugliese e Mulisano, tutt''e dialette 'e tipo napulitano (luvanno 'a Terra d'Otranto, Calavria ultra e ll'isula lenguistica d''o Ciliento) int''o viecchio Regno 'e Napule.

'E pizze addò se parla a siconno 'e sta crassifecazzione songo:

• Campania
• Baselecata
• Abruzzo
• Mulise
• Calavria citra
• Puglia (nord e centro)
• Lazzio meridiunale
• Certi pizze int''e Marche e pure int'a ll'est-Umbria

Ce sta p'esempio na nota piccerilla 'e crassefecazzione ncopp'a ll'Ethnologue, c''a chiamma Napulitano-Calavrese, e ca pigliasse comme na llengua unica tutto chello ca se parla int'â Campania, Calavria citra e parte 'e Baselecata, senza annummenà l'ati regione ca restano senza definizione (oppure cummigliate 'e ll'Italiano). Chesta crassifecazzione però, nun lassa chiaro int'a quale reggiune se parla 'a stessa lengua e comme se chiammano 'e dialette, e se parla d''e dialette napulitane-calavrese comme fosse ca se stenneno int'a l'ati reggiune (comme basilecata).