Sceneggiata Napulitana

'A classica sceneggiata napulitana, ca fa parte d''a trarezione popolare cu na bona parte d''o melodramma.

Isso, essa e 'o malamente.

'A parta sentimentale d''e fatte rappresentate e d''e canzone ca ne fanne parte, s'aunisce 'a malavita, ca spisso stà presente dint''a chesti storie, o sulo cumme tratre d''a storia stessa o, spissi vvote, proprio cumme fossse n'ate perzunaggie prencepale d''a sceneggiata.

Tra l'anne '70 e l'anne '80, 'a sceneggiata truvaje poste pure dint''o cinema, grazie, primme 'e tutte l'ate atture, a Mario Merola, 'o rre assuluto 'e chistu genere 'e spettacule, già 'a paricchie anne,, 'nzieme a Pino Mauro e Mario Trevi.

'O fatto d''o successo d''e sceneggiate se spieca pure pe mutivo 'e tasse. 'A sceneggiata fuje na reazione a ll'aute tasse apprecate a 'e cantante 'e ll'ebreca, ca se scagnavano p''atture apprufitanno 'e sceneggiate scritte 'a primma metà d''o XX seculo, comme chille 'e Libero Bovio. Nfra cheste sceneggiate se può truva p'esempio 'O zappatore.

Mario Merola, 'o rre

L'origine 'e l'artiste erano assaje popolare, era pirciò abituate a vedè addò era schiarà juorne, cu 'e fatiche cchiù diverze, tra tante, pure chella 'e cuoche e chella 'e scricatore 'e puorte.

Mario Merola accumiciaje a fa 'o triatre, pe cumbinazione, doppo c'aveva già fatto nu dische cu 'a canzone, "Malu figlio", nu piezzo “forte”, cu 'e parole assaje viulente.

'O piezzo, doppo nu poco 'e tiempo, fuje trasfurmate inte a na sceneggiata, ca vedeve cumme prutaguniste e attore prencepale, proprio a Mario Merola.

Doppo 'o grande successo ca facette, se decidette, na vota e pe sempe. 'E addeventà nu vero attore.

Sarrà proprio grazie a isso ca ’a sceneggiata ascette fora d''a zona 'e Napule e se facette ccanoscere e apprezzà pure all'estero, e finanche ô nordamerica.

Quanne po' venette 'o mumente ca 'a cinematrografia se decidette a passà 'a sceneggiata pure ncopp'ê pellicule, facennele addiventà nu film, 'a decisione 'e scegliere l'attore cantante cumme prutaguniste principale, fuje l'unica decisione pussibile, Mario Merola, pecchè era 'o nu grande attore 'e sceneggiate.

'O primmo film 'e Mario Merola fuje "Sgarro alla camorra", cu 'a regia 'e Ettore Maria Fizzaroppi, e se giraje 'o 1973.

Ma sarrà a cavallo tra l'anne '70 e l'anne '80, ca Merola arrivarrà 'o massimo d''a carriera soja e d''a pupularità.

Proprio dint'â chillu periodo, isso riuscette a avè, cumme attore, 'e meglie parte e giraie paricchie film d''o stesso genere, quase tutte quante cu 'a regia 'e Alfonso Brescia.