San Gennaro: Vescuvo e martire campano, santo prutettore ’e Napule

Dâ vita soja nun ce stanno nutizzie certe. Siconno ’a tradizzione, se chiammava Procolo e apparteneva a na famiglia gentilizzia Gens Januaria, addedecata a Giano. ’O nomme Gennaro pruvene propeto d’ò nomme d’à famiglia gentilizzia (chillo ca ogge fosse ò cugnomme!)

Avarria a éssere stato rigginario ’e Caroniti, frazziona muntana dô cumune ’e Joppolo ’n pruvincia ’e Vibo Valentia, â Calavria.

 

’O fatto ca purtaje â cunsacrazzione ’e Gennaro sarria abbenuto ’a ll’abbiata dô III seculo, durante ’a persecuzzione dê crestiane ’a parte dô mperatore Dioclezziano.

Gennaro era ’o vescuvo ’e Beneviento e se purtaje appriesso ô lettore Desiderio e ô diacuno Festo quanne jette a visità ê fedele a Puzzule. N’ate diacuno, Sossio, vuleva ì pur’isso â visita pasturale, ma fuje acchiappate ’ncopp’à via pe cumanno d''o persecutore Dragonzio, guvernatore d'’a Campania.

Gennaro assieme a Festo e Desiderio jette a truvà ’o priggiuniero, e tutte nzieme cercajeno a libberazzione ’e Sossio. Sti diacune però, avennose prufessato cristiane, fujeno subbeto arrestate ’a Dragonzio e cundannate a s’'e magnà ’e liune int’ò ’nfiteatre è Puzzuole. ’O juorne aroppo, datese ca Dragonzio era ’mpignate a n’atu posto, 'o supplizzie fuje suspiso. Siconne 'a tradizione, puorzì, 'o supplizzie fuje cagnate pe nu miraculo: se conta ca 'e liune s’addenucchiareno annanze 'e sette cundannate doppo 'a na benerizzione fatta 'a San Gennaro!

Dragonzio cumannaje int’a chillu mumento ca Gennaro e 'e cumpagne fosseno cundannate a morte. 'E guardie ’e pigliajeno e li purtajeno a Puzzule addò ’a Zurfatara. ’A cundanna fuje prucessata e a tutte quante se tagliaje ’a capa int’ô 305. Chesto succerette pure a Procolo, diacono dâ chiesia ’e Puzzule, e a ddoje laiche Eutiche e Acuzio ca criticajeno pure ’e cundanne ’e morte.

Pe tramente ca San Gennaro faceva ’a strata ô posto d’esecuzzione, nu pezzente addimannaje a San Gennaro ’e veste soje, pe se 'e astipà comme reliquie. Gennaro rispunnette ca se pigliasse ’o muccaturo ca purtasse a ll’uocchie quanno l’acceressero.

 

Siconno ’a tradizione pe tramente ca stevano pe lle dà ’a mazzate, chisto se purtaje 'n canna ’o muccaturo e quanno jettajeno ’a mazzata tagliajeno pure ’o rito. Chella notte, San Gennaro cumparette 'n suonno a chillo c'aveva ’a purtà ’o cuorpo, dicennole ca s’avesse ’a piglià pure ’o rito.

Sempe siconno 'a tradizione, subbeto quanno ’o tagliajeno ’a capa, fuje cunzervato ’o sango dinto a doje butteglie nchiuse, ca songo ’e reliquie cu ’o sango ca se fà squaglià ogn’anno ’o juorno suojo.

Pe' ne sapé 'e cchiù, vide 'a vvoce Juorno 'e San Gennaro.

’O juorno ’e festa sujo è ’o 19 ’e settembre.