Maria Marì

Museca 'e :Eduardo Di Capua

Data 'e nascita : 1899

Edizzione : Ferdinando Bideri, Napule.

Arápete fenesta!

Famme affacciá a Maria,

ca stóngo 'mmiez'â via...

speruto p'â vedé...

Nun trovo n'ora 'e pace:

'a notte 'a faccio juorno,

sempe pe stá ccá attuorno,

speranno 'e ce parlá!

Oje Marí, oje Marí,

quanta suonno ca perdo pe te!

Famme addurmí,

abbracciato nu poco cu te!

Oje Marí, oje Marí!

Quanta suonno ca perdo pe te!

Famme addurmí...

oje Marí, oje Marí!

'Mmiez'a stu ciardeniello,

ce ride 'a malvarosa...

Nu lietto 'e fronne 'e rosa

aggio fatto pe te...

Viene che 'a notte è doce,

'o cielo ch'è nu manto...

Tu duorme e io te canto

'a nonna a fianco a te...

Oje Marí, oje Marí, .................................

Pare che giá s'arape

na sénga 'e fenestella...

Maria cu 'a manella,

nu segno a me mme fa!

Sòna chitarra mia!

Maria s'è scetata!...

Na scicca serenata,

facímmole sentí:

Oje Marí, oje Marí,

• Roberto Murolo
• Gino Bechi
• Aurelio Fierro
• Louis Prima
• Mario Lanza
• Massimo Ranieri
• Luciano Pavarotti
• Miriana Trevisan (Non è La RAI)

Chist'articulo è sulo na bozza (stub). Si ce puó ddà na mano, p’’o fà addeventà nu poco meglio, spriemme ccà. Pe' ssapé comm’’e 'a fà, guarda ncopp’’e ccunvenziune 'e Wiki. Pe' ssapé quale so' tutte quant’’e stub, vaje a vedé 'a categoria stub.