Marek Hamšík è nu jucatore 'e pallone slovacco ca joca comme centrocampista dint'ô Dalian Yifang Zuqiu Julebu, na squadra cinese e dint'â Nazziunale slovacca.
Date Biugrafici | ||
Nomme | Marek Hamšík | |
Nato | 27 'e luglio 1987 | |
Addò | Banská Bystrica | |
Paese | Slovachia | |
Artezza | 183 cm | |
Peso | 79 kg | |
Date Spurtivi | ||
Sport | Pallone | |
Ruolo | Centrocampista | |
Squadra | Dalian Yifang | |
Carriera | ||
Giovanili | ||
1991-2002 | Jupie Podlavice | |
2002-2004 | Slovan Bratislava | |
2004-2005 | Brescia | |
Club | ||
2004 | Slovan Bratislava | 6 (1) |
2004-2007 | Brescia | 65 (10) |
2007-2019 | Napule | 408 (121) |
2019-ogge | Dalian Yifang | 28 (2) |
Nazziunale | ||
2003-2004 | Slovacchia U-17 | 6 (3) |
2004-2005 | Slovacchia U-19 | 6 (1) |
2005-2006 | Slovacchia U-21 | 2 (0) |
2007-ogge | Slovacchia | 120 (25) |
Ten attualment o record e Gol (121) e Presenz(512) dint'o Napule.
Centrocampista centrale, ambidestro, ce piace 'e jucà comm'intern 'e centrocampo cu n'atteggiamento assaje offensivo. Vere assaje buono 'a porta: 'o primmo anno 'e Serie A signaje 9 gol 'a fora d’’e rigore.
Aroppo 'e giovanile dint'ô Slovan Bratislava, Hamšík debutta ch’’a primma squadra ô 2004, signanno subito dint'â Serie B slovacca.
'A bravura d’’o guaglione è assaje apprezzata pure a ll'estero e 'o Brescia batt'a concorrenza, e tessera 'o jucatore ancora ricssettenne.
Jucava ch’’a Primavera, ma debuttaje dint'â Serie A stesso chill'anno contr’’o Chievo 'e Verona 'o 20 'e màrzo 2005 (perdetteno 3-1). 'O Brescia scennette dint'â Serie B e, int’’o 2005/2006, 'o guaglione riesce a se fà vedé 'e cchiú, apparanno 24 presenze.
'O primmo gol ufficiale ch’’a maglia d’’e rondinelle 'o signaje sultanto ll'anno aroppo, ncopp'a rigore ncuoll'ô Treviso, cunzignanno 'a vittoria â squadra lombarda (2-1). Fernett’’a staggiona cu 10 gol, ma sulo 3 ncopp'azzione.
'O 28 'e giùgno 2007 'o Napule s'accatta 'o giovane jucatore slovacco pavannolo 5,5 miliune d'evero.
Singnaje 'o primmo gol int'â Serie A 'o 16 'e settembre 2007, ncuoll'â Sampdoria.
'O 20 'e jennaro 2008 facette 'a primma doppietta ncuoll'â Lazio ô San Paolo.
'O 12 'e abbrile 2008 rinnova 'o cuntratto ch’’o Napule fin'o 2013.
Ll'11 'e maggio d’’o stess'anno addeventa capocannoniere d’’o Napule 07/08 cu 9 goal.
'O 26 'e luglio 2008 fa 'o primmo gol in'Europa ncuoll'ô Panionios, dint'a ll'Intertoto: ô 2009 'stu torneo fuje luato 'a miezo e quinne 'o goal d’’o slovacco è stato ll'urdemo 'e na squadra taliana dint'a 'sta competizzione.
'A staggiona 2008/2009 accummencia ch’’o botto: segna 4 goal dint'e primme 6 jurnate, tuttuquante ncopp'azzione.
Ll'8 'e frevaro 2009, ô Stadio Barbera 'e Palermo ncuoll’’e padron’’e casa, fa 'o goal nummero 9 ncampiunato, raggiungenno 'e gol d’’a staggiona precedente.
Se piazza ô 12° posto dint'â classifeca d’’e 50 Giuvene cchiú promettente d’’o munno, pubbrecata d’’a testata ngrese "Times".
'A finale d’’a siconna staggiona ch’’a maglia azzurra se cunferma capocannoniere sempe cu 9 goal.
'O 19 'e jennaro 2009 vence l'Oscar d’’o Calcio AIC comme Meglio Giuvane, vencenno 'a cuncurrenz’’e Sebastian Giovinco e Mario Balotelli.
Quanne teneva ancora diciannov'anne, 'o 7 'e frevaro 2007, ngignaje ch’’a Nazziunale slovacca, dint'a n'amichevole pareggiata 2-2 ch’’a Polonia.
Addiventato nu convocato fisso, signaje 'o primmo goal 'o 13 'e ottovre 2007 arapenn’’e maracture dint'â partita ncuoll'a San Marino.
'O 19 'e nuvembre 2008 fa 'a primma doppietta dint'a n'amichevole ncuoll'ô Liechtenstein.
Staggiona | Squadra | Campiunate | Coppe naziunale | Coppe cuntinantale | Totale | |||||||
---|---|---|---|---|---|---|---|---|---|---|---|---|
Comp | Pres | Goal | Comp | Pres | Goal | Comp | Pres | Goal | Pres | Goal | ||
2004 | Slovan Bratislava | 2a Div. | 1 | 1 | CS | 0 | 0 | - | - | - | 1 | 1 |
Totale Slovan Bratislava | 1 | 1 | - | - | - | - | 1 | 1 | ||||
2004/05 | Brescia | A | 1 | 0 | CI | 0 | 0 | - | - | - | 1 | 0 |
2005/06 | B | 24 | 0 | CI | 4 | 1 | - | - | - | 28 | 1 | |
2006/07 | B | 40 | 10 | CI | 5 | 1 | - | - | - | 45 | 11 | |
Totale Brescia | 65 | 10 | 9 | 2 | - | - | 74 | 12 | ||||
2007/08 | Napule | A | 37 | 9 | CI | 3 | 1 | - | - | - | 40 | 10 |
2008/09 | A | 32 | 9 | CI | 2 | 1 | I+CU | 2+4 | 1+1 | 40 | 12 | |
2009/10 | A | - | - | CI | - | - | - | - | - | - | - | |
Totale Napule | 69 | 18 | 5 | 2 | 6 | 2 | 80 | 22 | ||||
Totale | 135 | 29 | 14 | 4 | 6 | 2 | 155 | 35 |
This article uses material from the Wikipedia Nnapulitano article Marek Hamšík, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.