I' Te Vurria Vasà
I' te vurria vasà è na canzone napulitana fatta int’o 1900, cunnusciuta pe’ tutt’o munno p’essere una d’è pilastre d’a canzone napulitana.
Storia
‘A canzone fuje scritta ‘a causa ‘e l’ammore ‘nfelice d’o poeta Vincenzo Russo p’Enrichetta Marchese. ‘A guagliona, ca pure ‘o vuleva bbene, era figlia ‘e nu gioielliere chin’e denare, e ‘a famiglia soja faceva ‘o diavolo contr’a Russo, che era povero. ‘E parole, scritte d’o poeta int’all’urdime juorne d’o 1899, fujeno musicate dint’a vintiquatt’ore da Eduardo Di Capua, ‘o famoso autore d’‘O sole mio, tra ‘o 1 e ‘o 2 ‘e gennaio d’o 1900. Se dice ca ‘o foglio cu ‘e parole fuje miso da Russo dint’a sacca ‘e Di Capua mentre steveno ascenno d’o tiatro Salone Margherita, ‘ndo ce steva nu spettaculo d’Armando Gill.
‘A canzone fuje presentata ‘o cuncorso "La tavola rotonda", ma nun ghiette subito bbona. Arrivaje secunna ‘nzieme cu aute canzone, e duje autore ‘nce facetteno duje sorde, e Russo se n’accattaje medicine. Cchiù appriesso, ‘a canzone fuje cunusciuta e avette grandissimo successo, e fuje cantata ‘a cantante famosi assaje, comme Mario Abbate, Sergio Bruni, Massimo Ranieri, Peppino di Capri, Gigi Finizio, Giacomo Rondinella, Tito Schipa, Lina Sastri, Roberto Murolo, Renzo Arbore, Giorgia, Claudio Villa, Giuseppe Di Stefano, Mina, Franco Corelli, Mango, Neil Sedaka. Comm’e succieso p’autre canzone napulitane, “I’ te vurria vasà” è asciuta fora d’a canzone napulitana, e è stata cantata pure da tenori comme Enrico Caruso, José Carreras, Luciano Pavarotti e Andrea Bocelli.
Parole
‘E parole d’a canzone, chiene ‘e delicatezza, parlano ‘e nu mumento e ‘ntimità ‘e duje ‘nnammurate. ‘A scena succede dint’a nu ciardino che prufumma 'e malvarosa, primma c’aesce ‘o sole, cu nu poco ‘e viento. ‘O poeta sta scetato e guarda a femmena soja, e fa ‘o pare e spare si ‘nce dà nu vaso p’a scetà, o lasciarla stà. ‘Mprigiunato int’a stu mumento, ‘o poeta è sulo cu ‘e pensiere suoje, e se chiede si ‘a femmena soja ‘o sonna o no. ‘Ngelusito e chino d’ammore int’o stesso mumento, rimane scetato senza putè piglià suonno.
 (NAP) « Ah! Che bell'aria fresca...
Tu duorme oje Rosa mia...
Sento stu core tujo
| (NAP) « Ah! Che bell'aria fresca...
Tu dormi oh Rosa mia
Sento questo tuo cuore
|
Bibbliografia
Vittorio Paliotti (2007) Storia della canzone napoletana. Editore Newton Compton.
Jonte 'a fore
This article uses material from the Wikipedia Nnapulitano article I' te vurria vasà, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.