'A cuccumella o pùre cafettera napulitana è na, accussiditto, machinetta p' 'o ccafè ca funziona pe' gravità (na vota ll'acqua è càvera càvera, se gira 180º).
'A parola vene d''o llatino Cucuma e Cuccuma ca fanno signo appunto na macchinetta pe 'o ccafè. Se cumpone 'e tre pparte: na parta vascia addò se mette ll'acqua, nu filtro e na parta superiore cu nu cupierchio simuvibbele.
Se mette 'o ccafè 'int'ô filtro e l'acqua 'int'â parta vascia.
Po se mettono nzieme 'e tre ccose:
Po' se miette tutto ncopp'ô ffuoco c''a parta vascia ncopp''o ffuoco.
Scarfannose ll'acqua saglie e peppièa 'a nu pertùso piccerillo piccerillo ca sta 'a nu lato d''a parta vascia. Chistu è 'o signale ca ll'acqua è pronta p''a ffà passà p''o filtro. Int'a stu mumento, ll'operazione è delicata: s'adda luvà d''o ffuoco e s'adda girà 'a cuccumella 180º.
Accussì, ll'acqua che mò è càvera (mmerzo 'e 100 grade C) s'avota, e na vota s'è avutata 180º mò se trova ncoppa, e ce vò nu tiempo p''a ffà scennere. L'acqua chiano chianillo tràse int''o filtro pe' gravità e se mpurpa 'e cafè.
Chiano chiano 'o ccafè scenne 'a parta ca primma steva ncoppa e mò sta abbascio (a parta cu 'a giarretella), chesta parte serve pe servì 'o ccafè.
'O termene cuccumella vene ausato 'o cchiù d''o cchiù a Napule.
This article uses material from the Wikipedia Nnapulitano article Cuccumella, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.