C'era Una Volta... Scugnizzi

Scugnizzi è nu miusicollo triatale scritto 'a Claudio Mattone ('e musseche e 'e teste d’’e canzone) e da Enrico Vaime ('a parta recitata). 'E ballette so’’e Gino Landi, 'e scene so’’e Bruno Garofalo e 'e panne pe' cuollo 'e ll'atture so’’e Silvia Polidori. 'O miusicollo è stato presentato pe’’a primma vota 'o 15 'e marzo 2002 'o Triato Augusteo a Napule.

"C'era una volta... Scugnizzi" è 'o cuntinuo d’’o film Scugnizzi (1989) 'e Nanny Loy. Duje cumpagne, Saverio De Lucia e Rafele Capasso “'o russo”, stanno carcerate a Niseta e, na vota asciute, pigliano strate diverze. Dint' a ll'arco 'e vint'anne, 'o primmo addeventa prevete e dà na mano ê guagliune d’’e quartiere difficele a se sestimà dint' â vita (nfra 'sti guagliune nce sta Rosa, ca è mamma è nu piccerillo senza pate), chill'ato addeventa cammurrista e, a la fine, accide a Saverio, chillo che na vota era stato 'o cumpagno sujo.

Cheste so’’e canzone che stanno dint' a 'stu miusicollo: Carcere 'e mare, Perzone perzone, Chiammame, Zoccole, Arrangiammoce, Io ce credo, Quantu tiempo ce vò, Scetate Scé, Niente niente, 'A Città 'e Pulecenella, Stateve accorte, Ajere, Parlanno parlanno, Cumannà, 'O russo, Magnifica gente.

Anfino a mo', nce so' state tre edizione 'e "C'era una volta... Scugnizzi": 2002-2005, quanno Saverio era Sal Da Vinci, 'O russo era Massimiliano Gallo e 'a prutagunista femmena, Rosa, era Stefania De Francesco; 2006-2008, quanno Saverio era Sal Da Vinci, 'O russo era Pietro Pignatelli e 'a prutagunista femmena, Rosa, era Claudia Paganelli; 2010-2011, dint' a 'sti mise, cu' Andrea Sannino,ca è Saverio, Pierluigi Iorio, ca è 'O russo, e Luna Di Domenico, ca è Rosa.

"C'era una volta... Scugnizzi" ha' vinciuto 'o Premio Olimpici del Teatro come miglior musical dell’anno, assegnato dall'ETI, Ente Teatrale Italiano, nel 2003 e duje David di Donatello pe’’e museche.

• Purtale Múseca
• Purtale Napule