Pe' ssapé quale so' tutte quant’’e stub, vaje a vedé 'a categoria stub.
'A rumba d"e scugnizze è na canzona napulitana. Essa è tratta d''a cummedia L'Ultimo Scugnizzo scritta 'a Raffaele Viviani e rappresentarta p''a primma volta 'o 16 'e dicembre d"o 1932 'o Tiatro Piccinni 'e Bari.
'A rumba d"e scugnizze | |
---|---|
Parole 'e | Raffaele Viviani |
Museca 'e | Raffaele Viviani |
Anne | 1932 |
Chesta è 'a rumba d"e scugnizze
Ca s'abballa a tutte pizze...
Truove 'e ddame, 'mpizze 'mpizze,
Ca te fanno duje carizze
Pe' te fá passá 'e verrizze...
Strette 'e mane, vase e frizze...
Pruove gusto e te ce avvizze,
Cchiù te sfrine e cchiù t'appizze...
Comm'a tanta pire nizze,
Te ne scinne a sghizze a sghizze,
Fino a quanno nun scapizze...
Chest'è 'a rumba d"e scugnizze!
'O rilorgio, mo capisco,
Pecché 'o cerco e nun 'o trovo...
Steva appiso... E' ghiuto ô ffrisco:
C'è rimasto sulo 'o chiuovo...
'O chiuovo i' tengo!
Bell"e 'ammere!
Scarole ricce p"a 'nzalata!
Fenócchie!
'O spassatiempo!
Capillò!
Mo t"e ccoglio e mo t"e vvengo!
Gué, ll'aglie!
Chesta è 'a rumba d"e scugnizze...
Assettáteve, assettáteve!
Ca s'abballa a tutte pizze...
'O quadrillo e 'a figurella!
Truove 'e ddame, 'mpizze 'mpizze...
'O mastrillo e 'a rattacasa!
Ca te fa squase e carizze...
Quant'è bello 'o battilocchio!
Pruove gusto e te ce avvizze...
Pe' chi tene 'a moglie pazza!
Cchiù te sfrine e cchiù t'appizze...
Quatto sorde, 'o fenucchietto!
Comm'a tanta pire nizze...
Te ne scinne a sghizze a sghizze,
Fin'a quanno nun scapizze!
Chesta è 'a rumba d"e scugnizze!
Puparuole e aulive...
Magnáteve 'o cocco, magnáteve 'o cocco!
Rrobba vecchia...
Pallune p"allésse, pallune p"allésse!
'E mellune chine 'e fuoco...
Na bona marenna, na bona marenna!
Cotogne...
Gelati, gelati, gelati, gelati!
'O spassatiempo!
Capillò!
Mo t"e ccoglio e mo t"e vvengo!'
O Roma!.
Chella bella Mamma d"o Cármene v"o ppava:
Nun mm"o ppòzzo faticá!...
E' bellella 'a paparella!
Accattateve 'e piatte!
Seje tuvaglie cinche lire!
N'ata pianta p"o salotto!
Nocelline americane!
Tengo 'o ggrano p"a pastiera!
Pacchianè', chi s"o ppenzava?
Tiene chistu campo 'e fave!
Cicchignacco 'int"a butteglia!
'O zi' monaco 'mbriacone!
'O vveleno p"e scarrafune!
'A dummeneca addó' t"a faje?
Comm'a tanta pire nizze,
Te ne scinne a sghizze a sghizze,
Fino a quanno nun scapizze!
Chest'è 'a rumba d"e scugnizze!
'O chiuovo i' tengo!
Bell"e 'ammere!
Scarole ricce p"a 'nzalata!
Fenócchie!
'O spassatiempo!
Capillò!
Mo t"e ccoglio e mo t"e vvengo!
Gué, ll'aglie!
Comm'a tanta pire nizze...
Te ne scinne a sghizze a sghizze,
Fin'a quanno nun scapizze!
Chesta è 'a rumba d"e scugnizze!
Chesta è 'a rumba d"e scugnizze!
Chesta è 'a rumba d"e scugnizze!
Chesta è 'a rumba d"e scugnizze!
Chesta è 'a rumba,
Rumba d"e scugnizze!
Chesta è 'a rumba, rumba
Chesta è 'a rumba, chesta è 'a rumba
Chesta è 'a rumba d"e scugnizze!
Rumba d"e scugnizze!
Uheee!
This article uses material from the Wikipedia Nnapulitano article 'A rumba d''e scugnizze, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.