'O sole mio è na canzona napulitana, scritta da Giovanni Capurro e musecata da Eduardo Di Capua e Alfredo Mazzucchi.
'O sole mio | |
---|---|
Parole 'e | Giovanni Capurro |
Museca 'e | Eduardo Di Capua, Alfredo Mazzucchi |
Anne | 1898 |
Etichetta | Ferdinando Bideri |
'O prencipio, ncoppe 'e spartite musecale, ce steveno sulamente Capurro e Di Capua comm' autore d’’a canzone. Cu tiemp', però, fuje ricanusciute pure Alfredo Mazzucchi comm'autore d’’e musiche, siccome ca avette l'incarico 'a l'editore e siccome ca facette cocche mudifica piccerella 'a museca origginale.
'O sole mio è una d’’e canzone napulitane cchiù canosciute d’’o munno. 'A cantarono Domenico Modugno, Enrico Caruso, Fernando De Lucia, Josephine Baker, Mario Del Monaco, Bruno Venturini, Mario Lanza, Mario Saccucci, Frank Sinatra, Louis Prima, Tony Martin, Dalida, Claudio Villa, Mina, Massimo Ranieri, Luciano Pavarotti, Josè Carreras, Roberto Lovèra, Bernard Yannotta (dint’’o film Il pianeta verde 'e Coline Serreau, 1995), Bryan Adams e tant'ata gente.
Addirittura, int’’o 1960, Elvis Presley facette 'a versione ammerecana d’’a canzona: 'a chiamatte It's Now or Never e facette primm' in classifica int’’e State Aunite d'Amereca ('o 15 de aùsto d’’o 1960) e int’’o Regno Aunito (da 'o 5 'e nuvembre a 'o 30 'e dicembre).
This article uses material from the Wikipedia Nnapulitano article 'O sole mio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.