گو

اتا که آمل بلیرون جنگل دله اسائه
حاملگی دوره	9 ماه
عکس نگارخنه  - ویکی‌مدیا تلمبار
کد ره دچی‌ین - دچی‌ین

اتا اهلی حیوون نوم هسته کا مازرون دله اته خله دره. فارسی دله وه ره گننه: «گاو». سم‌ دارنه و نشخوار کنده چار تا معده دارنه و وشون نوم :۱-سیرابی ۲-نگاری ۳-هزارلا ۴-شیردون و دتا خالی شاخ هم دارنه. جفت سمون راسته ی جه و گوسانون خانواده ی جه هسته. کشاورزی دله هم ونه جا کار کشننه.

مازرونی فرهنگ و زبوون دله خله ریشه دار هسته،بعضی نومون ((ورزا)) واری، مازرونی جا فارسی دله بوردنه . ورزا نره ره معنی دهه. همچنین مازرون دله هر گویی شه نوم ره دارنه و وشون کاربرد همدیگر جا فرق دارننه: اته روزه گوکزا، دِه روزه گوکزا، اته هفته گوکزا، اته ماهه گوکزا، شیرخوار گوکزا، گوکزایی که ونه مار شیر ننه، بالغ گو، اوستن گون، گویی که خوانه بزائه، گوکزایی که خله سخت بزا بهییه، پیر و ... همگی مازرونی زوون دله شه نوم ره دارننه.