هانگر گیمز

این کتابون سر جه ات‌سری فیلم هم بساتنه و نوجوون‌ها وسّه مناسب هسته. این کتاب سبک ره ضدارمون‌شهر گانّه که اتی نخاش دنیا دله داستان گذرنه. سال ۲۰۱۲ این مجموعه میون ۱۰۰ کتاب برتر و بعنوان دومین رمان نوجوون‌ها بعد از هری پاتر قرار بیته.

هانگر گیمز The Hunger Games (اٮنگٮلیسی) کتاب ِجلد کلّی اطلاعات نویسنده سوزان کالینز زوون انگلیسی کشور آمریکا متحده ایالات ادبی ژانر young adult fiction (en) dystopian fiction (en) داستان ماجراجویی (fa) ناشر اسکلاستیک تنک بیّن گدر ۲۰۰۸ اقتباس بازی‌های گرسنگی (مجموعه فیلم) (fa) تقديم بخش‌ها وشنا کا بوریشتن تقلیدچی کلاج دچی‌ین - کد دچی‌ین - آیتم دچی‌ین

هانگر گیمز داستان اتا خیالی کشور، پنم (Panem) نومی، دله گذرنه که قرن ۲۱ گادِر شمالی آمریکا دله قرار دارنه. این سری کتاب دله شخصیت «کتنیس اوردین»، که اتا کیجا هسته، اصلی کاراکتر هسته و وه اتا عشقی لچک (=مثلث عشق) دارنه که دِتا ریکا، گیرل و پیتر، عاشق هسته. هانگر گیمز ره تا اسا 51 زوون جه دگاردنینه.

هانگر (Hunger) انگلیسی زوون دله «وشنا» معنی دنه و گیم (Game) یعنن «کا» یا «مسابقه» که وقتی وه ره جمع دوندن (Games) ونه استفاده اتکه عوض وانه و «مسابقات» معنی دنه. (المپیک کائون واری)

ولی این ترکیب ره دِ جور بنشنه معنی هاکردن. اتا این که باوّی «وشنائون کا» یعنن وشنا و بدبخت بیچاره ئون ِمسابقات و اتّی این که باوّی «قِد دارون کا» که اشاره دارنه به این که همه خانه هدی ره بکاشن و همدیگه خون جه تشنانه. (فارسی دله وه ره «عطش مبارزه» معنی هاکردنه که همین دومی منظور ره فقط رسننده)

این فیلم ۷۵ سال پئی‌ته از اتا شورش ره سِراق دنه که شورشیون شکست بخاردنه و اتا حکومت که نیشتنگا دله مستقر هسته و وه ره «کاپیتول» گانّه، وشون ره سرکوب هاکرده. اسا شورشی ایالات که به ترتیب دیر شـَر بی‌ین از کاپیتول عددون ۲ تا ۱۲ جه نوم دارنه، ونه هر سال دِتا جوون (ات ریکا و ات کیجا) ره «پیشکش» هاکنن تا ات گتِ مسابقات دله هدی ره بکاشن و فقط ات نفر زنده بمونده که سالم مسابقه جه دربئه.

اتا کیجا، کتنیس نومی، شه خاخِر بَدِل کاندید وانه که ناحیه ۱۲ جه شرکت هاکنه و اتا ریکا، پیتر نومی، ونه همراکت شونه. وشون اولین قسمت داستان دله قهرمان وانه و چون حاضر نوونّه هدی ره بکاشن، مجریون ره مِزراب یلنه که قانون ره عوض هاکنن و بی‌یلن هر دِ نفر برنده اعلام بوّن. مردم بخاطر شجاعتونی که وشون داشتنه و رفتاری که کاپیتول مقابل هرستانه، وشون ره مبارزه سمبل دونّه و شورش‌کری کانّه.

دومین قسمت کاپیتول ِصاحاب خانه ات‌جور شورش ره بستا هاکنه. وه گانه «بتترین سلاح ترس په، امید هسته» و خانه این دِ روش جه مردم ره بستا داره و مملکت ره کنترل هاکنه ولی کتنیس و پیتر هر کاجه شونّه جنگ و شورش شروع وانه و مردم بیش از حد امیدوار بَینه. همینسه کاپیتول خانه سراق هاده کتنیس وشون واری هسته و مردم‌دسته دنی‌یه ولی مردم ره باور ننه. نهایتا اتا جدیدِ کا یلنه و گانّه قبلی کائون ِبرنده‌ئون ونه هدی جه دکفن. هر منطقه جه ۲نفر اَی ونه بئن و کتنیس و پیتر هم درنه. مسابقه دله شرکت‌کننده‌ها دِ گروه وانه و کتنیس رعد و برق ره پیش‌بینی کانده و اتا آهنی رَسِن وندنه اونجه که رعد خانه بئه و ارسن ت‌سر دیگه ره وندنه تیرکمون کَش و وه ره کپّل کانده، خارنه مسابقه‌ی جایگاهِ سقف ره و همه چی رِقِد شونه و شرکت‌کننده‌ها گِرد درشونّه. بجز پیتر و دِتا دیگه که دستگیر بَینه.

قسمت بعد ایالت ۱۳ دله گذرنه. این ایالت قبلا شورش هاکرده و وشون مردِم بنه دله سره بساتنه و جنگ وسّه آمادگی دارنه. ایالت ۱۲ بمبارون وانه و فقط صد نفر (منجمله کتنیس خانواده و ونه ریکارفق، گِیرل نومی،) جنگل راه فرار کانه و انّه ۱۳ دله. کتنیس تبلیغات ساجنه و تلویزون ره هک کانّه، وه ره پخش کانّه. شورش گت‌ته وانه و چن ایالت رقد شونّه. پیتر ره انده، کاپیتول دله، شکنجه دنه که لوچ بوو و کتنیس ره بکاشه ولی وشون نقشه نییرنه و پیتر ره ۱۳ دله درمون کانه. جنگ بآخر که رسنه، کتنیس گامون کانده گول بخارده و شه خانه بوره کاپیتول صاحاب ره بکاشه ولی نتونده. جنگ دله بیگناهون (منجمله کتنیس خورد خاخر) ۱۳ ِرهبرون دستور په قتل عام وانّه و کتنیس همینسه ۱۳ ِرهبر، که خانه دیکتاتوری ره اَی زنده هاکنه، ره کاشنه و شونه اتا گوشه-کنار پیتر جه سر کانده و ای دیاتی وانه.

نویسنده شه گاته تسئوس داستان جه خله الهام بیته. تسئوس داستان دله هم آتن مردم مجبور وانّه شه وچون ره سالانه پیشکش هاکنن و اتی کا دله وچون میرنه. منبع دیگه‌یی که الهام‌بخش بی‌یه، گلادیاتورون ِجنگ هسته. کالینز گانه گلادیاتورون میون سه‌تا چی اصلی کاراکترون ره تشکیل دنّه: قِددار حاکم، قربونی‌ها که مجبورنه هِدی ره بَکاشن و مردم که اینتی سرگرم وانّه.

ات‌چی دیگه که باعث بَیّه کالینز کتاب ره بنویسه، واقعیتونی بی‌یه که تلویزون دله اِشائه. فی‌المثل کسایی که رقابت کانّه تا فلون جایزه ره بَیرن و فیلمی که عراق جنگ ره سِراق دِنه.

هانگرگیمز اتجور انتقادی داستان هسته و کاپیتالیسم جه ایراد گیرنه. فی المثل شهری که تموم شهرون ره سر هسته و مرکزیت دارنه نوم کاپیتول هسته که دتا کلمه ی «کپیتال یعنن نیشتنگا» و «کاپیتالیسم یعنن سرمایه‌داری» ره یاد یارنه. یا مثلا ایالاتِ ترتیب طبقاتی اختلاف ره یاد یارنه که مردم ره وشون ثروت جه طبقه‌بندی کانده و جیردستون ونه ویشته کار هاکنن و جوردستون راحتته درنه.

ات ور دیگه جه ایالت ۱۳ سربازون اتی کمونیستی ارتش ره موندنّه که وشون سرگذشت استالینیست حکومتون ره موندنه.

سال ۲۰۱۱ شروع هاکردنه اتا چار-قسمتی فیلم این داستان سر جه بساجه که مارس ۲۰۱۲ اولین فیلم سری هانگر گیمنوم جه تنک بیّه. فیلم دوم هم هانگر گیم: کچینگ فایر نوم جه ۲۲ نوامبر ۲۰۱۳ اکران بیّه. فیلم سوم هانگر گیم: مکینگجی- بخش اول ۲۱ نوامبر ۲۰۱۴ نمایش بمو و آخرین قسمت که همون سومین جلدِ دمباله بی‌یه، هانگر گیم: مکینگجی- بخش دوم دله، نوامبر سال ۲۰۱۵ اکران بیّه.

حرکتی هسته که هانگر گیمز دله شورشیون انجام دانه؛ اینتی که دِ انگوس اول آخر ره هِدی جه حلقه کانّه و سه‌تا انگوس میونی ره خاش دِنّه و شه دَس ره بالا ورنه. این حرکت فیلم دله یعنن همدردی با کسای دیگه‌یی که شورشی هستنه و کاپیتول ِسربازون شدیداً ونجه بد دارنه.

تایلند دله سال 2014 تظاهرات ضد دولتی بیّه که مردم شه انگوس ره اینتی کاردنه و پلیس واکنش سِراق دائه. اقلاً هفت نفر ره همین کار وسّه بازداشت هاکردنه.