مسیح علی‌نژاد: مازرونی فیمینیست و جورنالیست
معصومه علی‌نژاد قمی (بزائه‌ی ۲۰ شهریور ۱۳۵۵، بابل)، معروف به مسیح علی‌نژاد اتا مازرونی و فیمینیست روزنومه‌نویس، نویسنده و فعال هسته که ایران جه بورده و آمریکای ونگ (VOA) دله کار کنده.
مسیح علی‌نژاد 
|
بیوگرافی
وه سال ۱۳۸۰ جه روزنامهٔ همبستگی دله خـَوِرنگاری کارده و بعد از اون ایلنا وسّه کار هاکرده. ونه مقالات شرق، بهار، هم‌میهن و اعتماد ملی دله هم تنک بَینه.
علی‌نژاد مـِیلس‌ئون شیش و هفتم دله پارلمونی خورنگار بی‌یه و سال ۲۰۰۵ ده میلیونی عیدی‌ئون ِافشاکَری وسّه اخراج بیّه و بعضی نماینده‌ئون وه ره نخاش-نخاش فحش هدانه. این ماجرا ره فایننشیال تایمز دله نشر هدانه.
وه محمود احمدی‌نژاد گادِر ونه نقد ره روزنومه دله بنویشته که «آواز دلفین‌ها» نوم داشته. این بنویشته ره هیئت نظارت گیر هدائه و باعث بیّه که مهدی کروبی (مدیر مسئول) شخصاً عذرخائی هاکنه. مجله تایم ونه خَوِری اتا مقاله بنوم «’مسیح‘ در برابر احمدی‌نژاد» بنویشته.
وه تابستون ۱۳۸۸ سعی داشته باراک اوباما جه مصاحبه هاکنه ولی موفق نیّه. وه اونجه جه علیه حکومت چنتا جا گپ بزو. ۲۹ اوت ۲۰۰۹ ووآ (آمریکا ونگ) جه مصاحبه هاکرده.
مسیح علی‌نژاد اردیبهشت ۱۳۹۳ اتا صفحه بنوم «آزادی یواشکی» ره شه فیس‌بوک دله بساته تا ایرانی زنان شه جه مَله-مِلا دله سِلاب‌به‌سر عکس بَیرن و بی‌یلن. این صفحه بیش از ۱ میلیون فالور پدا هاکرده و خله واکنشون ره همراه داشته. کاظم صدیقی، امام جمعه موقت تهران اتا از اولین کسایی بی‌یه که ونه علیه گپ بزوئه.
وه چن وقت بعد اتا کمپین دیگه ره شروع هاکرده و «اسپه چارشمبه‌ئون» (چهارشنبه‌های سفید) دله زنان جه بخاسته که چارشمبه روزها شه سر اسپه چارقد بی‌یلن. بعد چن وقت ات سری زنان گت-گتِ شهرون دله اسپه چارقد ره شه سر جه خیابون دله گیتنه و اینتی بیّه که انقلاب کیجائون (دختران انقلاب) ِداستان پیش بمو.
اتا صدا-سیمایِ مجری وه ره تهمت بزو که وه مول‌زنا هسته و جندگی کانده. اتا وکیل این تهمت وسّه دادگاه ره شاکی بیّه ولی دادگاهون ونه کار ره په‌گیری نکاردنه.
سال ۹۹ ونه برار، علی، ره چون ونجه اعلان برائت نکارده و ناته ونجه بد دارنه، دستگیر و زندونی هاکردنه.
گلکی گپ بزوئن
مسیح علی‌نژاد بابلی هسته. وه مازرونی زوون جه تسلط دارنه و مصاحبه‌ئونی مازرونی زوون جه دارنه که ات-دِ تا شون خله معروف بَینه. وه مازرونی جه خونش‌کری (=خوانندگی) هم تونده هاکنه و حتی اتا مراسم، نیویورک دله، مازرونی سما هاکرده.
کتابون
- تحصن: مِیلِس و رد صلاحیتون خَوِری
- تاج خار: مِیلِس هفتم خوری
- من آزاد هستم،
- قرار سبز، رمان
وابسته جستارون
منابع
بریم بگردستن
This article uses material from the Wikipedia مَزِروني article مسیح علی‌نژاد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.