تیمور گورکانی یا تیمورلنگ اتا تۏرکی-مۏغۏلی جنگکر و سلطون بییه که تیموریون حکومت ره بساته.
وه سمرقند جه هرستا و گردِ میونی آسیا و ایران ره بیته.
تیمور گورکانی | |
---|---|
تیمور گورکانی | |
زمون | ۷۷۱ - ۸۰۷ قمری ۱۳۶۹ - ۱۴۰۵ میلادی |
تاج بییشتن روز | ۷۷۱ هجری قمری ۱۳۷۰ میلادی، بلخ |
تفویض | میری تابام |
لقب(ئون) | امیر تیمور، تیمور لنگ، تیمور خان، صاحبقران |
بزائنی روز | ۲۵ شعبان ۷۳۶ هجری قمری ۹ آوریل ۱۳۳۶ میلادی |
بزائن ِجا | کش، خانات چغتای (ازبکستون) |
بمردن | ۸ شعبان ۸۰۷ هجری قمری ۱۸ فوریه ۱۴۰۵ میلادی |
بمردن ِجا | اترار، سیردریا (قزاقستون) |
قبر | گور امیر، سمرقند |
پیش از | خلیل سلطان |
پس از | امیر حسین |
همسر | الجای خاتون آغا سارای خانم |
کاخ | کاخ سبز |
سلسله | تیموریان |
شعار سلطنتی | فتح جهان |
پیـِر | تراغای |
مار | تکینا مهبیگم |
وچون | میرزا جهانگیر عمر شیخ میرانشاه تیموری شاهرخ ابراهیم میرزا |
دین | اسلام |
تیمورلنگ میون سالهای ۷۷۱ تا ۸۰۷ ه.ق تموم غربی و میونی آسیا ره شه میس دله داشته. وه تموم ایران ره بَییته و تا عثمانی سامون ره بَیته و ونه نیشتگا سمرقند بییه. وه خاسته چین ره هم حمله هاکنه که ونه عمر قد ندائه.
تیمور تبرستون ره هم سه صوه لشکر بکشییه و مرعشیون حکومت ره رقد بدا و مرعشی سادات ره مازرون جه درهاکرده و تبعید برسنییه. وه پادوسپانیون و اسکندر شیخی ره مازرون حکومت سر بشته و بورده. وه اسکندر شیخی، کیای چلاویون، ره آمل ِحاکم هاکرده ولی اَی وه ره هم حمله هاکرده و بکوشته.
هم تیمور هنتا نمه په، هم ونه بمردن په، اسلامی مناطق دله ملوک الطوایفی دوره بییه و هر منطقه شه وسّه سیوا حکومت داشته. تیمورلنگ که بمرده په هم ونه ریکائون و وچهزائون هئی جان دکتنه و ای همون وضع مملکت ره پیش هکته. ونه اتا زکزایِ چله بوردنه هندستون و اونجه گورکانیون حکومت ره بساتنه.
This article uses material from the Wikipedia مَزِروني article تیمور گورکانی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.