اساره

وه خله سو دِنه که ونه دله هسته‌ای واکنشون سر هسه.

اساره‌ئون انرژی هسته‌ای همجوشی جا انه، اتا جریان که ونه دله اتا شیمیایی عنصر اتا دیگه عنصر ره تبدیل بونه. ویشتر اساره‌ئون هلیوم و هیدروژن جا بسات بینه. وشون دله هیدروژن، هلیوم ره تبدیل بونه. وقتی اتا استار شه بمردن ره نزدیک بونه، ونه دله هلیوم دیگه عناصر، کربن و اکسیژن دسوری ره تبدیل بونه. همجوشی جریان خله انرژی تولید کنّه. این انرژی اساره ره خله داغ کنّه. اساره‌ئون این انرژی ره بتابنی‌ین جا شه جا دور کننه. این پرتو الکترومغناطیسی هسه.

اساره نوم اکثر هند و اروپایی زوونون دله اتجور هسته: star (انگلیسی), str (سانسکرین), star (سینهالا), aster (یونانی), stella (لاتین), stairno (گوتیک), Stern (آلمانی), stjärna (سوئدی), setare (فارسی), steren (کورنیش), ster (آفریکانس), estel (کاتالونی), estrella (ایسپانیولی) و estêre (کوردی).

مازرونی زوون دله هم ستاره، اِساره، اِستره یا اِستاره بائوت وانه و لهجه‌ئون مختلف دله اتکه فرق دارنه. قدیم گرگان نوم ره این کلمه جه اسم بی‌یشت بینه و «استرآباد» نوم داشته.