ویکیپدیا اتسری اصلی سیاست دارنه که ونه حتما رعایت بَوون و هرچی زودته بتتر هسته اینان ره بدونین:
ویکیپدیا دله اتسری قانون دره که ونه بدونین چون اینان تغییرناپذیر هستنه و تموم سیاستون ِمبنا قرار گیرنه. اینان اصلی قوانین شه پنجتا ستونسَر قرار دارنه که «پنج اصل» نوم جه معروف هستنه:
قوانینی که ویکیپدیا دله وینّی دِ دسته هستنه. اولین دسته ره سیاستون گانّه که اجباریئه و ونه رعایت بَوون. دسته دوم رهنمود هستنه که اجباری نییه و اتسری پیشنهادات ره شامل وانه که کومِک کانّه کارورون شه کار ره بتتر انجام هادِن. هرکس بتونده رهنمود بنویسه ولی سیاستون بنویشتن فرق کانده.
اکثر قوانین انگلیسی ویکیپدیا شنه چون وشون اولین ویکی ره بساتنه و وشون ِکارورون تعداد خله ویشته هسته و هرچی وسّه تصمیماتی بَییتنه که مشمول و خجیر هستنه. ولی امه مازرونی ویکیپدیا هم بتونده شه وسّه سیوا تصمیم بَیره و اینتی نییه که حکماً وشون تصمیمات ره قبول هاکنیم. این سیوا تصمیم بَئیتن البته نیاز دارنه که اجماعی وجود بئه که اصلی قوانین جه تعارض نداره.
بعضی قوانین هم هستنه که جیمی ویلز (ویکیِ مؤسس) یا ویکیپدیایِ هیئت امنا و توسعهدهندهئون تعریف کانّه. این قوانین محدود به حقوقی موضوعات، کپیرایت و اینان واری، وانه.
ویکیپدیایِ پایهئون ونه کارورها هستنه. شمایی که این ویکی دله دری مطلب نویسنی یا اصلاً وه ره خوندِنی، همون کسی هستی که ونه سیاستون ره اجرا هاکنه. هر کاروری که مقالات دله اتچی نویسنه، وظیفه دارنه ویکیپدیایِ سیاستون ره اجرا هاکنه.
اگه اتنفر شه دچیین گادِر سیاستون ره رعایت نکارده هم اَی شما هستنی که بتوندی ونجه ایراد بَیری و وه ره باوّی که فلانجا اشتباه هاکرده.
ویکی دله کارورون جیر و جور ندارنه، همه مساوی حقوق دارنه. مدیرون این میون فقط وظیفه دارنه کسونی که حاضر نینه بهیچ وجه سیاستون جه تبعیت هاکنن ره شه سرجا هنیشنن.
This article uses material from the Wikipedia مَزِروني article ویکیپدیا:سياستون, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.