فلاند: اتا اروپایی کشور که اسکاندیناوی دله دره

فَنلاند یا فلّاند اتا کشور نوم هسته که و اروپا دله دَره. این کشور نیشتنگا (=پایتخت) هلسینکی هسته. فنلاند ۵٫۴ میلیون نفر جمعیت دانّه و حدوداً یک میلیون نفر فقط ونه نیشتنگا دله دَرنه. فنلاند ِگتی (=مساحت) سَر اروپای ِهشتمین کشور هسته و ونه جمعیت همه‌ی ِکشورون جه این قاره دِله تَنِک‌ته (=کم‌تراکم‌تر) هستنه.

Suomen tasavalta Republiken Finland فنلاند
ملی شعار: -
ملی سرود: اَمه وطن
نیشتنگا (و گتترین شهر)		هلسینکی شرقی′۴°۱۸ شمالی′۲۱°۵۹ / ۱۸٫۰۶۷غرب ۵۹٫۳۵جنوب / −۱۸٫۰۶۷;−۵۹٫۳۵
رسمی زوون		فلاندی و سوئدی
حکومت ِنوع		جمهوری
حاکمون نوع  نخست وزیر		سانا مارین
موارد منجر به تشکیل روسیه جه		۱۹۱۷
گتی
-	گتی	۳۳۸،۱۴۵کیلومتر مربع (۶۴ام)
-	‌ئو‌ (٪)	۱۰٬۰
جمعیت
-	سرشماری	۵٫۳۲۵٫۶۴۲  (۱۱۱ام)
-	جمعیت انبسی	۱۶‎/km۲‏ (۲۰۱ام)
جی‌دی‌پی	(تخمین ۲۰۰۷)
-	مجموع	۱۸۶ میلیارد یورو ۲۰۰۸
-	سرانه	۲۷۱۰۰ یورو ۲۰۰۹ نرخ تورم=۲٫۷ % (۲۰۰۸) بیکاری= ۶٫۴ % ۲۰۰۸ نرخ سواد= در حدود ۱۰۰% رتبه سرانه تولید ناخالص داخلی = ۱۲ام
اچ‌دی‌آی (۲۰۰۷)		۰٫۹۵۲ دلار (بالا) (۱۱ام)
پول یکا		یورو (EUR)
زمونی منطقه		EET (جهونی ساعت+۲)
-	تابستونی (DST)	DST (جهونی ساعت)
اینترنتی دامنه		.fl
تلفن پیش‌شماره		+۳۵۸+

دِتا فنلاندی و سوئدی زوون این کشور دله رسمیت دارنه. ۹۰ درصد این کشور دله فنلاندی‌زوون هستنه و سوئدی فقط چنتا ساحلی منطقه دله غرب، جنوب، و اُلند ِجزیره دله گپ بَزه وانه. این کشور دله حدوداً ۷۸ درصد لوتری‌مذهب هَستنه که مسیحیت ِپه‌روونه و ۲۰ درصد دیگه بی‌دین هستنه. فنلاند ره فنلاندی زوون دله سوئومی (Suomi) گانّه و فَنلاند ِ کلمه ره فرانسوی جه بَییتنه.

فنلاند قرن دوازَّهم جه تا اوائِل قرن نوزدهم سوئد ِسامون دله دَیّه و اون گادِر جه روسیه‌ی شه‌گردون مناطق جه بیّه و این وضعیت ره تا روسیه انقلاب زمون ادامه هِدا. فنلاند اروپای اتحادیه عضو هم هسته و ونه پول ِیکا یورو هسته. فلاند سال ۲۰۲۳ ناتو دله عضو بیّه. این کشور ِمردِم ِزندگی خله راحته و وشون ِزندگی کیفیت بالا دَره.

فنلاند شمال جه نروژ، شرق جه روسیه و غرب جه سوئد جه هم‌سامون هَسته. بوتنی خلیج ونه غرب، فنلاند ِخلیج ونه جنوب و بالتیک دریا ونه جنوب‌غربی دَرنه. فنلاند ره دریامونائون (=دریاچه‌ها) و جنگلون ِکشور دونّه چون ونه ۱۰ درصد ره دریامونائون دَپوشِنینه و ۷۳ درصد جنگل دارنه. رشته‌کوهون هم ونه شمالی نیمه دله زیادنه. این کشور دله ۲۰٬۰۰۰تا جزیره دانّه که سرجمع وشون گَتی ۱۰۰٬۰۰۰ کیلومتر مربع وانه. تابستون‌ها فنلاند دله کوتا و زمستون‌ها بلندنه. لاپلند (فنلاند ِشمالی ایالت) دله، زمستون بیّه په، دِ ماه خورشید دَرنِنه و تابستون هم دِ ماه خورشید مار نَشونه. فنلاند دومین کشوری هسته که بالاترین مناطق دله دَرنه و فقط ایسلند ِمختصات ونجه بالاته هسته.

فنلاند ِتاریخ مهمترین اتفاقات اینان هَستنه:

• فنلاند ِقدیمی مردمون ِنژاد فین بی‌یه که اواخر قرن اول و اوایل قرن دوم میلادی شه مهاجرت ره شروع هاکِرد بینه.
• قرن دوازدهم فنلاندی‌ها که خاستنه شه سامون ره روس‌ها حمله جه دَرامان دارِن، سوئد جه کومِک بِخاستنه و اینتی فنلاند سوئد ِمستعمره بیّه.
• سوئد سال ۱۸۰۹ فنلاند ره هِدائه الکساندر اول (روسیه‌ی ِتزار) ره و روس‌ها سال ۱۹۰۱ فنلاند ِمردم وسّه قانونگذاری ِمجلس و رأی ِحق هِدانه.
• بلشویک‌ها که روسیه دله سال ۱۹۱۷ انقلاب هاکِردنه، همون مجلس فنلاند ِاستقلال ره اعلام هاکرده و سال ۱۹۲۰ شوروی هم فنلاند ِاستقلال ره رسمیت بِشناسی‌یه.
• جهونی جنگ دوم په، فنلاند شه وضعیت ره طبیعی هاکرده و روسیه جه دِباره تجاری هم‌باز بَیّه.

فنلاند ِسیاسی نظام جمهوری هسته که مجلس وه ره اداره کانده. رئیس‌جمهور فقط ونه این کشور دله نخست‌وزیر ره انتخاب هاکِنه و کابینه ره نخست‌وزیر اداره کانده. نخست‌وزیر و ونه کابینه ونه بتونِن مجلس جه رای اعتماد بَییرن. فنلاند ِمجلس ۲۰۰تا کارسی دانّه و هر نماینده چار سال کار کانده. رئیس‌جمهور اتا مسئولیت دیگه هم دانّه که خارجی سیاستون ِاداره هسته. رئیس‌جمهور ره هر شیش سال ات‌بار انتخاباتی انجمن عوض کانده.

• وب‌سایت buchmesse.de (انگلیسی)