زوربا

این کتاب ۱۹۴۶ بازار تنک بیّه و یونانی زوون جه بنویشته بیّه. زوربایِ کتاب اتا اگزیستانسیالیسم تفکر دارنه و نویسنده زوربایِ کاراکتر ره بساته تا ونه تِک جه شه دل‌گپ ره بزنه.

زوربا Βίος και Πολιτεία του Αλέξη Ζορμπά (یونانی) کلّی اطلاعات نویسنده نیکوس کازانتزاکیس (fa) زوون زبان یونانی نوین (fa) کشور یونان ادبی ژانر existentialist novel (en) تنک بیّن گدر ۱۹۴۶ اقتباس زوربای یونانی (fa) شناسه‌ئون شابک 978-84-7178-274-8 OCLC 35223018 دچی‌ین - کد دچی‌ین - آیتم دچی‌ین

این کتابِ راوی که آسنی ره تعریف کنده، اتا جوون و روشن‌فکر مردی هسته که قطار جه سفر شونه و این سفر دله اتا پیرمردی که ونه نوم زوربا هسته، ره شه همراه ورنه. جوونک خانه اتا معدن بساجه و زوربا جه خِشش اِنه و وه ره شه سرکارگر کنده. وشون دِتا اتا مول‌زنایِ مسافرخنه دله نیشرنه و پچیکِ شهرِ ساحل کناره شه کار ره شروع کننه. داستان دله زوربا و جوونک خله گپ زنّه و جوونک که اوائل بودایِ دل‌دوست هسته، کم‌کم زوربایِ شخصیت جه تأثیر گیرنه و وه ره ستایش کنده که همیشک و هرلحظه شاد هسته و شه‌خِد ره زندگیِ جریون دله قرار دِنه و هرتی سرنوشتِ وا وه ره بکشه، وه شه شاد و سرمستی ره دارنه و شه ساز ره گیرنه و اون راهی که ونه بوره، ره شونه. وشون دِتا شهر دله رفت-رُش هم دارنه و کم‌کم جوونک اتا بیوه زنایِ عاشق وونه ولی بیوه‌زنا شهرِ دله چنتا عاشق‌پیشه دیگر هم دارنه که اتا-شون نا بشنوسته په، خِدکشی کنده و مردم این‌سه عصبانی وونّه و این بیوه‌زنا ره کِشنّه و زوربا مهلکه وسط کفنه و زنا طرفداری ره کنده. این قضیه باعث وونه شهرِ مردم هم وشون جه بد وونه. این میونه، معدنِ کار هم گره خرنه و داستانِ دِتا شخصیت هئی جا سیوا وونه.