Хохлова, Ольга Степановна: балетсэ киштиця рузонь ундокс марто

Седе содавиксэв, кода Пикассонь Паблонь васенце нись ды сонзэ Пауло покш цёранзо авась.

Хохлова, Ольга Степановна
руз. Ольга Степановна Хохлова
чачома чись	аштемковонь 17 чи 1891(1891-06-17)
Чачома тарка	Нижын ош[d], Россиянь империясь
Кулома чись	даволковонь 11 чи 1955(1955-02-11) (63 иеть)
Кулома тарка	Канны ош[d], Франция Мастор
Мастор	Россиянь империясь  Франция Мастор
Важодема ёрокчизе	балетэнь артист, хореограф, артындей, модельсь
Полазо	Пабло Пикассо
Эйкакшонзо	Пауло Руис Пикассо[d]
Ольга Степановна Хохлова

Хохловань Ольга чачсь 1891 аштемковонь 17 чистэ рузонь армиянь семиясо Нежин ошсо. Сонзэ ульнесь мелезэ теевемс балеринакс, зярдо Франциясо неизеть Шрёссонт мадамонь невтевксензэ. Ольга теевсь Дягилевень Сергеень «Рузонь балетэнть» киштицякс.

1917 иень панжиковонь 18 чистэ сон киштьсь «Парад» балетсэнть Шатле театрасо. Сонзэ теизе Дягилевень Сергей, Сатинь Эрик ды Коктонь Жан, Пикассонь Пабло анокстыль оршамопельтнень ды декорациятнень кис. Зярдо сынь ульнесть содавиксэвь, пурнавксось тусь налксеме Лембеёнкс Америкав, Ольга тусь Пикассо марто Барселона ошов. Артындеесь невтизе эсинзэ семияньтень. Сонзэ авазо ульнесь кавтолдозь цёранзо мелензэ коряс саевмс полакс омбомасторонь тейтерь, секс артындеесь аванзо туртов тейсь Хохловань испанонь оршамосо. Мейле сынь велявсть Париж ошов ды ушодызь вейсэнь эрямост кудосо Бёти куросо.

Ольга ды Пикассо урьваксть 1918 иень аштемковонь 18 чистэ ортодоксонь Невскоень Александрань соборсонть. Жан Кокто ды Макс Жакоб ульнесть урвалякс.

1919 иень медьковсто сынь сыргасть Лондон ошов максовмс од невтема «Рузонь балеттэнть» — (руз. балет «Треуголка», исп. El Sombrero de tres Picos, фр. Le Tricorne), конантень Пикассо анокстыль оршамопельтнень ды декорацият. Балетэсь ульнесь невтезь истяжо Альгамбрасо Испаниясо ды ульнесь покш леск марто Парижэнь операсо 1919 иестэ. Пикассо ульнесь пек уцяскав полань вакссо.

1921 даволковонь 4 чистэ Ольгань чачсь Пауло (Поль) цёразо. 1926 иестэ саезь нинть-мирденть эрямось берякадсь. 1927 иестэ Пикассо ушодсь вастнеме 17-иень французонь тейтерьканть Мари-Терез Вальтер марто, ды пешксэзевсь. 1935 иестэ Ольга кармась теде содамо. Пикассонь ды Вальтерань чачсь тейтерест 1935 иестэ. Саизе мартонзо Пауло цёранзо, Ольга сеске сезизе Пикассо марто сюлмавкссонть ды тусь эрямо лембеёнкс Францияв ды каясь явома лангс. Пикассо чиремизе кавтов парочинть явовтомонзо, кода ульнесь сёрмадозь браконь договорсост, секс Ольга кадовст сонзэ лувов никс куломанзо видс. Хохловань Ольга кулось раконь ормасто 1955 иестэ Канны ошсо ды ульнесь калмазь Гран-Жас калмазырьсэ.

 

Пауло (1921 даволковонь 4 чи — 1975 аштемковонь 5 чи) Полазо ульнесь Эмильенн Лотт. Сынст ульнесть кавто пакшаст: Паблито (1949 панжиковонь 5 чи — 1973 медьковонь 2 чи, маштызе прянзо) ды Марина (чач. 1950 сундерьковонь 14 чи).

 

• Richardson John. A Life of Picasso: The Triumphant Years, 1917-1932. — Knopf, 2007. — ISBN 978-0307266651.(англ.)
• Picasso Marina. Picasso, My Grandfather. — Riverhead Books, 2001. — ISBN 978-1573221917.(англ.)
• Шатохина Елена. Пикассо и Хохлова (Двое). — Вагриус, 2008. — ISBN 978-5-9697-0463-3.(руз.)

• Биография Ольги Хохловой(руз.)
• Пикассо и Хохлова(руз.)
• Портреты Ольги Хохловой кисти Пикассо(руз.)
• Редкие фотографии Ольги Хохловой(руз.)
• Редкие фотографии Ольги Хохловой, Пабло Пикассо и др.(руз.)
• Ольга Хохлова, трагедия жизни(руз.)
• Русская муза. Документальный фильм (Россия, 2007, режиссёр Юлий Лурье)(руз.).