Финнэнь-Угрань Вейсэндявкс

Теезель 1883 иестэ Гельсингфорс ошсо (Хельсинки неень шкане), ладицякс ульнесть истят содавикс тонадейть: Отто Доннер(1893 иестэ саезь ФУВнь прявт), И.Аспелин, А.Алквист, карелэнь-финнэнь «Калевала» раськень морамонь пурныцясь — Лённрот Элиас, С.Топелиус валморозеесь ды лият суоминь масторонь содавикс ломанть.

Финнэнь-угрань вейсэндявкс
Ушетфоль	1883
Область деятельности	финно-угроведение[d]
Основатель	Отто Доннер[d], Август Альквист[d], Йоганн Рейнгольд Аспелин[d], Лённрот Элиас ды Топелиус, Сакариас
Руководитель	Ulla-Maija Forsberg[d]
Издание организации	Finnisch-Ugrische Forschungen[d]
Мастор	Суоми Мастор
Участник организации или коллектива	Finnish Association for Scholarly Publishing[d] ды Federation of Finnish Learned Societies[d]
Число членов	около 800
Место основания	Хельсинки ош
Расположение штаб-квартиры	House of Science and Letters[d], Хельсинки ош
Официальный сайт	sgr.fi
Финнэнь-угрань вейсэндявкс

 

Вейсэндявксось алтазь суоминь-угрань раськетнеде содамочинь келейгавтоманень (келень, историянь, культурань ды эрямо коень ёндо). Важодемань ушодомсто покш мель явозель тонань экспедициятненень. Паксясо важодеме ды археологиянь тевень ветямо финнэнь-угрань эрямо таркава кучность экспедицият ды вейкень-вейке тонадейть.

1917 иень икеле уралонь келень ды культурань содыцят, истят кода: А. Гейкель, Л.Кеттунен ды лият пурнасть ламо материал Рузонь империява.

Сехте ламо вийть мокшонь ды эрзянь раськтнень культурантень явсть А. Хамялайнен, А. Вяйсянен. Этнографиянь пурнамсто сынест лездасть Макар Евсевьев, А. А. Шахматов ды лият. Н.П. Барсов 1881 иестэ кучсь ФУВ-тень эсь кочкавкс мокшэрзянь морот, 1892 иестэ — мокшэрзянь эрямо таркань Пенза ёнга картань ды мокшэрзянь топонимень ловномапусмо. А.А. Шахматов казсь валкс, косо пурназельть 1300 мокшонь ды эрзянь валт. Теде мейле ФУВонь журналсо ульнесь печатазь сонзэ пурнавкс ёвтнема мокшэрзянь мастор лангс вельмемадо.

 

1886 иестэ саезь кармась лисьнеме журнал. 1901 иестэ — «Финнэнь-угрань ваннома» ловномапусмо, косо финнэкс, немецекс ды французокс печатасть учёноень важодемаст финнэнь-угрань (уралистикань) коряс. Васенце журналсо ульнесь печатазь Тюштядо мокшонь морось. Те моронть сёрмадызе ды ютавтызе французокс Владимир Майнов. Истяжо ловномапусмосо ульнесь Гейкелень сёрмадовкс мокшэрзянь кудодо (финнэнь кельсэ), мокшэрзятнень эрямо таркадо, ламочиде. Картань поладксокс аштесь финнэнь-угрань раськетнень эрямо таркань невтемась, теицязо — Доннер (1885 иесь).

 

XX пингень пестэ саезь ФУВ нолды «Journal» («Журнал»), «Proceedings» («Печатазесь»), «Lexica» («Лексикась»), «Ethnographical Publications» («Этнографиянь коряс нолдавкст»), «Study Aids for Finno-Ugrian Languages» («Финнэнь-угрань кельтнень тонавтницятненень материалт»).

 

Хельсинкинь университетэнь кафедратнень марто нолдави «Castrenianumin toimitteita» («Кастренианум нолдавкст»), лезды «Finnisch-Ugrische Forschungen» («Финнэнь-угрань ванномат») эрьва иень журналонь нолдамонтень.

 

ФУВ максни лезкс ярмакт тонань экспедициянь ютавтоманень ды материалонь пурнамонень; эрьва иестэ ютавтовить малава 9 промкст доклад марто. 2000 иестэ куронтень совильть 800 ломанть (сынь явовить свал шкань аштицякс, почётной ды омбомасторонь аштицякс ды казнеаштицякс). Промкстнэ ютавтовить Тонань кудосо ковонь колмоце сюконь чистэ 18:15 шкасто — ловновить доклад ды ванновить эрьвачинь тевть. Курось явши иезэнзэ кавксть лезкс ярмакт. Прявт промксось ютавтови М.А.Кастренэнь чачома чистэ — ацамковонь омбоце чистэ (2.12). 2010 иестэ куронь прявтокс лемдезель Хельсинкинь Университетэнь финнэнь-угрань кельтнень профессорось — Улла-Майя Форсберг (суом. Ulla-Maija Forsberg).

Куронь стипендиатокс аштить содавикст финнэнь-угрань ды алтаень келень содыйть: Арттури Каннисто, Кай Доннер, Г.Д.Рамстед ды Паасонен Хейкки. 1900 пингень перть стипендиатонь пурнавкс материалонь ванномась ды нолдамось аштесь прятевекс. 1917 иень революциясь лоткавтызе финнэнь-угрань материалонь пурнамонть Рузонь ёнга. 1990 иетнестэ саезь кой-кить куросто поладызь пурнамо тевенть.

Курось ашти покш научной архивень кирдиякс, конась сови Раськень архивень вейсэндявксос. Архивсэ пурназь куронь стипендиатнэнь кочксезь материалт: мокшэрзяньгак. Эрзятнень ютксто стипендиатокс ульнесь Зоринэнь Игнатий ды лият.

Ало невтезь кодат экспедицият ульнесть ютавтозь 1884–1914 иетнестэ Финнэнь-Угрань Вейсэндявксэнь лезкс лангс нежедезь: A. O. Гейкель 1883,1884, 1885 ды1897, раскеньваннома-тонавтнема, мокшэрзят

 

мокшот ды эрзят:

• Паасонен Хейкки 1888–1889
• Генетц Арвид 1889
• Паасонен Хейкки 1898–1902
• Хямяляйнен Альберт 1908, 1909 ды 1911, коень-кирдань пурнамо-ваннома
• A. O. Вяйсянен 1914, раськень ёвтнемань пурнамо, мари раськесь

марить:

• Волмари Поркка 1885–1886
• Генетц Арвид 1887
• Паасонен Хейкки 1898–1902
• ЮрьёВикманн 1905–1906, ЖулиВикманн, коень-кирдань пурнамо-ваннома
• Г.Дж. Рамштед 1898–1900
• Хямяляйнен Альберт 1908, 1909 ды 1911, коень-кирдань пурнамо-ваннома

кезэрень тевкадовкс:

• А.Гейкель дыЮлиус Акс (Айлио) 1893, культурань ваннома

комить:

• Генетц Арвид 1889
• ЮрьёВикманн1901–1902
• У. T. Сирелиус 1907, раськень кувалт пурнамо-ваннома

удмуртт:

• Генетц Арвид 1889
• ЮрьёВикманн1891–1892 ды 1894
• Хямяляйнен Альберт 1908, 1909 ды 1911, коень-кирдань пурнамо-ваннома
• Уно Холмберг (Harva)1911, пазнэнь кемемань коряс ваннома

 

саамт:

• К. Яаккола 1884, 1885, 1888 ды K. Б. Виклунд 1891–1892
• инари-саамт, A. В. Форсман (Коскимиес) 1886 ды Франс Яймя 1900
• луулаян саамт: К. Б. Виклунд 1888
• пелевеёнксонь саамт: КонрадНильсен1903
• колта-саамт: Т.И. Итконен 1912 ды 1914, келень ды наукань ёндо раськень ванномазо
• Коланьсаамт: Т.И. Итконен 1912 ды 1914, келень ды наукань ёндо раськень ванномазо

мансить:

• Генетц Арвид 1887
• У.Т. Сирелиус 1899, наукань ёндо раськень ванномазо
• Арттури Каннисто 1901–1906

хантт:

• Генетц Арвид 1887
• Паасонен Хейкки 1898–1902
• K.Ф.Карьялайнен 1898–1902
• У.T. Сирелиус 1898 ды1899, наукань ёндо раськень ванномазо

мадьяронь чанго кортавксось:

• ЮрьёВикманн1907, Жули Викманн ванны раськень койть-кирдат

 

самоедт:

• юракт: ТойвоЛехтисало 1911–1912 ды 1913–1914
• селькупт: КайДоннер 1911–1913 ды 1914, истяжо У.Т.Сирелиус1899, наукань ёндо раськень ванномазо
• таугить: Кай Доннер 1911–1913 ды 1914
• камассинт: Кай Доннер 1911–1913 ды 1914

чудь:

• Х. Базилиер 1887, Балтика иневедень вакссо

финнэнь кельтне:

• людики раськесь: Юхо Куйола 1910 ды 1911 Аунус эрямо таркасо (неень шкань Рузонь Карелиясь), 1912 Тверень Карелиясо
• вепсат: Й.Х. Кала ды Э.Н. Сетяля 1889
• чилисемаёнксонь водь раськесь: Лаури Кеттунен 1913
• ливт:Э.Н. Сетяля, Э.A. Сааримаа ды Вилхо Сетяля 1912, келень ды наукань ёндо раськень ванномазо

Мадьяронь Мастор:  

• Самули Паулахарью 1911, этнологиянь тевть ды кедьёнкст

Эстэнь Мастор:

• Оскар Каллас 1892, этнологиянь тевть ды кедьёнкст

чуважт:

• Паасонен Хейкки: 1898–1902

татарт:

• Паасонен Хейкки: 1898–1902
• У.Т. Сирелиус: 1899, наукань ёндо раськень ванномазо

турканькортавкст:

• Г.Дж. Рамштед 1903–1905

тунгусонь кортавкст:

• Г.Дж.Рамштед1903–1905

кетэнькель:

• КайДоннер 1911–1913 ды 1914,

монголт ды Монголиянь Мастор:

• А.О.Гейкельды Х. Й. Хейкель 1890–1891

туркань кезэрень калмолангонь сёрмадовкст:

• Г.Дж.Рамштед1898–1900 ды 1903–1905
• Й.Г.Грано 1906,1907 ды1909, кезэреньпингень ваннома-тонавтнема
• Г.Дж.Рамштед ды СакариПялси 1909
• Г.Дж. Рамштед ды Арво Сотавалта 1912,

Сибирень Мастор:

• Илвари Ваная(Валлениус) ды С.Мунк 1887, кезэрень пингень ваннома-тонавтнема
• Й. Р.Аспелин ды Х. Аппельгрен-Кивало1887, кезэрень пингень ваннома-тонавтнема
• Й.Р. Аспелин 1888, кезэрень пингеньваннома-тонавтнема
• Й.Р. Аспелинды A. O. Гейкель 1889 , кезэрень пингень ваннома-тонавтнема
• А.О.Гейкель ды Х.Й.Гейкель 1890–1891, туркань кезэрень калмолангонь сёрмадовкст

Туркестан Масторось:

• Х.Й. Гейкель,O. Доннер-одось ды C. Мунк 1898, кезэрень ды пертьпельксэнь тонавтнема-ваннома
• Х.Й. Гейкель 1899, кезэрень шкань модань чувомат, Китаень мастор

Китай:

• Х. Лунд 1898–1901

• Korhonen, Mikko & Suhonen, Seppo & Virtaranta, Pertti: Satavuotta suomen sukua tutkimassa: 100-vuotias suomalais-ugrilainenseura. Espoo: Weilin + Göös, 1983. ISBN 951-35-2977-0.
• Salminen, Timo: Aatteentiede: Suomalais-ugrilainen seura 1883–2008.Suomalaisen Kirjallisuuden Seuran toimituksia 1172. Helsinki: Suomalaisen Kirjallisuuden Seura, 2008. ISBN 978-952-222-013-4.
• Мокшин Н.Ф. Мордва глазами зарубежных ироссийских путешественников. — Саранск,1993.
• Халиков А.Х. Финно-угорскоеобщество и его роль в изучении языка, фольклора, археологии и этнографии народов Среднего Поволжья // Древние этнографические процессы Волго-Камья. — Йошкар-Ола, 1985.
• ЭнциклопедияМордовия,Н. Ф. Мокшин, Ю. Н. Мокшина.
• Suomalais-Ugrilaisen Seuran julkaisut Publications de la Société Finno-Ougrienne. 1885—2000. — Helsinki, 2000. — Vol. 8.
• Большая советская энциклопедия: [в 30 т.] / гл. ред. А.М. Прохоров. —3-е изд. — М. : Советская энциклопедия, 1969—1978.
• MikkoKorhonen, Seppo Suhonen, Pertti Virtaranta: Sata vuotta suomen sukua tutkimassa - 100-vuotias Suomalais-Ugrilainen Seura. Weilin+Göös, 1983. ISBN 951-35-2977-0.