Каринская, Варвара Андреевна

Каринская, Варвара Андреевна
чачома чись	ожоковонь 3 чи 1886(1886-10-03)
Чачома тарка	Харкив ош, Россиянь империясь
Кулома чись	ожоковонь 18 чи 1983(1983-10-18) (97 иеть) эли ожоковонь 19 чи 1983(1983-10-19) (97 иеть)
Кулома тарка	Нью-Йорк ош, Нью-Йорк[d], Американь Вейтьсэндявкс Штаттнэ
Мастор	Россиянь империясь  Американь Вейтьсэндявкс Штаттнэ
Важодема ёрокчизе	художник по костюмам
казнеть ды медальть	Academy Award for Best Costume Design, Color[d] (1947) Танцевальная премия Capezio[d] (1962)
Варвара Андреевна Каринская

«Оскар» казнень лауреат «Жанна д’Арк» эрямартсонть сех вадря дизайнанть оршамопельтнень кис.

Тирирь масторсо

Чачсь харьковонь Андрей Яковлевич Жмудскойень рамсий-миллионерэнь кудо-раськесэ (колмоце 10-це пакшатнестэ, сех покш тейтерь). Вишка порасто вечксь викшнеме. Тонавтнесь право Харьковонь университетсэ.

1908 иестэ лись мирденень Александр Моисеенконь кис. Сонзэ мирдезэ кулось 1909 иестэ, Ирина тейтересь чачоманзо знярыя ковонь ютазь.

Куроксто Варвара одс лись мирденень Николай Каринскоень (1873-1948) адвокатонь ваксс. Вадрясто юристэнь важодеманзо марто 1915 иестэ Каринскойень кудо-раськесь тусь эрямо Московов, косо Варвара рамась эрямо тарка (нупаль). Варвара теевсь салононь азоравакс, косо пурнавильть интеллигентень ломанть эрьва чокшне театрань эли балетэнь спектаклянь мельга. Сонзэ ульнесь эсензэ художественной техника, косо вейсэ пурныть вейс тюсонь марлянь панкст, фотокувонь ды артовксонь марто. Васенце важодевксэнзэ темась ульнесь балет. Васенце 12 эсензэ теевксэнзэ невтинзе содавикс Московонь галереясо.

Даволковонь революциянть мейле Николай Каринскоень путызь Петроградонь Судебной палатань прокуророкс. 1919—1920 ии. сон ульнесь покш вийкирдиень таркасо модатнева, конат ульнесть Добровольческой армиянть ало. Те шкастонть Варвара пакшанзо марто эри Харьковонь ды Симферополень юткова. Зярдо Крымесь ульнесь саезь большевиктнень эйсэ кудо-раськесь сезевсь — Николай Каринский тусь эмиграцияс, Варвара пакшанзо марто кадовсь Советэнь Россиясо ды куроксто явсть мирдензэ марто.

1921 Каринская велявтсь Московов, косо лись мирденень Владимир Мамонтовонь кис, сон ульнесь Московонь промыслань тевветиень цёракс.

Эмиграциясо

1924 и. РСФСР-нь нарком просвещениянь А. Луначарскоень лездамосонть Варвара кудо-раськензе марто тусь СССР-нь омбомасторс. Келя анокстамс невтемат сонзэ тонавтницятнень Европасо. Беринсэ ды Брюссельсэ аламодо аштезь сон арды Парижев, ды 1939 иестэ кудо-раськензэ марто туи Нью-Йорков.

Важодсь Сальвадором Дали, Марк Шагал ды лия артындейтнень марто. Тейсь оршамопельть «Ballet Russe de Monte Carlo» ды лия балетень труппатнень туртов.

1940—1970 ии. сон теинде весе оршамопельтнень Джордж Баланчинэнь теевкстнэнень, васняя артындеень эскизнтнева, мейле скямонзо: «Вальс» (1951), «Шотландская симфония» (1952), «Щелкунчик» (1954), «Блестящее аллегро» (1956), «Дивертисмент № 15» (1956), «Па де де Чайковского» (1960), «Сон в летнюю ночь» (1962), «Драгоценности» (1967), «Второй концерт Чайковского» (1973). New York City Ballet-сэ важодеманть башка, сон тейсь сценань костюмт киштема пурнавкстнэнь, мюзиклань туртовгак Бродвейсэ ды эриматртнень Голливудсо. Балетнень ламочись, конатненнь сон анокстась костюмт пачкоди малавов 50.

Теевсь «Оскар» казнень лауреатокс («Жанна д’Арк» (АВШ) эрямартсонть сех вадря дизайнанть оршамопельтнень кис). Ульнесь номинирован «Оскар» лангс костюмтнень кисэрямарт-балетенть Ганс Христиан Андерсен (Christian Andersen).

• • 2003 — Харьковсо вейсэнь ломантне тейсть Варвара Киринской лемсэ Фонд
  • 2004 — ульнесь теезь (руз. Международный фестиваль моды и театрального костюма им. Каринской)
  • 2005 — Харьковсо Жмудскоень кудо-раськенть икеле кудонть лангсо (Пушкинская куро, 31 кудось) путозь лецтнема лаз (кеврунгоньтеиесь С.Ястребов)
  • 2015 — Харьковсо Варварань Каринскойень лемсэ лемдязь куро ошонть Киевень буесэ (икеле лемесь Марсель Кашенень куро).