Михалина Анна Вислоцкая (пол.
Michalina Anna Wisłocka [mʲi.xaˈlʲi.na ˈan̪ːa viˈswɔt͡ska] ): чачома буелем Браун, чачсь 1921 иень медьковонь 1 чистэ – кулось 2005 иень даволковонь 5 чистэ) – Польша Масторонь гинеколог ды сексолог. Сёрмадызе Вечкемань искусства (пол. Sztuka kochania (руз. Искусство любви , англ. A Practical Guide to Marital Bliss, 1978) , васеньце сексэнь тонавтома книга социалистической масторсо. Книгась кармась бестселлер. Миезель 7 миллионт копият.
Вислоцкая, Михалина Анна | |
---|---|
пол. Michalina Wisłocka | |
чачома лем | пол. Michalina Anna Braun |
чачома чись | медьковонь 1 чи 1921 |
Чачома тарка | |
Кулома чись | даволковонь 5 чи 2005 (83 иеть) |
Кулома тарка | |
Мастор | |
Важодема ёрокчизе | гинеколог, сексолог, ормань менстиця |
казнеть ды медальть | |
Михалина Анна Вислоцкая |
Чачсь интеллигентонь раськесэ. Тетязо ульнесь доктор Ян Тимотеуш Браун, сон важодсь тонавтыцякс ушодомань школасо. 1926-1939 ульнесь №30 ушодомань школань прявтокс Лодзь ошсо. Авазо — Анна Браун, ветясь кудонь тевть ды макссь поляк келень урокт.
Михалинань ульнесть кавто ялаксонзо: Анджей (сёрмадыця) ды Яна (сумеролог). Ева Браун — сценограф ды оршамопелень содыця, Оскар лауреат — сонзэ ялаксонзо тейтерь.
Омбоце Весе Масторонь Войнадо икеле раськесь тусь эрямо Краков, секс мекс панизь эрямо таркасто: эрясть школасо, косо тетяст важодсь. Мейле Михалина явовсь тетянзо-аванзо марто. Михалина тусь мирьде марто - Станислав Вислоцкий (химикесь) - Варшава ошов, тетянзо-аванзо туст эрямо велев, косо ютавтызь весе оккупациянть. Варшава ошсо важодсть Вольской пичкамо таркасо.
Докторонь диплом сайсь таштамковонь 1-це чист 1952 иестэ, а медицинань наукань докторонь лем сайсь 1969 иень чадыковонь 24 чис. Таштамковонь 9-це чистэ 1997 иестэ Михалина Вислоцкаянень макссть Польша масторонь Одс Чачомачинь Орденэнь Рыцарень Хрёст.
Сон кармась вейкекс зярыясто Чачтомачинь Вейсэндявксонь теицякс, тосо сон важодсь ачачтовиця тейтерьава марто ды ванстсь сынст покшпекечистэ.
Сон ульнесь прявтокс васенце Польша масторонь Ачачтовиця тейтерьавань Диспансерсэ, конась ульнесь Ава ды эйкакш институтсо Варшава ошсо. 1970 иетнестэ сон ульнесь Цитолодиагностикань лабораториянь прявтокс.
Вислоцкая кулось Солски больницясо Варшава ошсо седейде. Калмазель Варшава ошсо даволковонь 11-це чистэ 2005 иестэ Евангеликань Аугсбургонь кемемань калмозырьсэ.
Вислоцкая ульнесь невтезь 2017 иестэ "Sztuka kochania. Historia Michaliny Wisłockiej" киносо. ("Вечкемань искусства. Михалина Вислоцкаядо ёвтнема»)
This article uses material from the Wikipedia Эрзянь (Erzjanj Kelj) article Вислоцкая, Михалина Анна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.